Տարածաշրջան05:53, 21 Օգոստոս 2018
Արդյո՞ք Թուրքիան դուրս կգա ՆԱՏՕ-ից
Իսրայելական «Հաարեց» թերթում լույս է տեսել Ալեքսանդր Գրիֆինգի անդրադարձը Թուրքիա-ԱՄՆ, Թուրքիա-ՆԱՏՕ փոխհարաբերությունների և հնարավոր զարգացումներին:
«Թուրքական լիրայի արժեզրկումը հասավ ռեկորդային ցուցանիշի, և Ռեջեփ Թայիփ Էրդողանը, նշելով, որ Թրամփը թիկունքից հարված է հասցրել, հայտարարեց նոր բարեկամներ փնտրելու մասին: Դա առաջին հերթին Ռուսաստանին ուղղված ակնարկ էր, ում Թուրքիան առաջարկել էր չօգտագործել դոլարը որպես միջազգային արտարժույթ: Սակայն Թուրքիայի և ԱՄՆ-ի միջև կապերը խզելն այդքան հեշտ կարող է չլինել, որովհետև երկուսն էլ ՆԱՏՕ-ի անդամ են: 1946-ից ի վեր Թուրքիան ԱՄՆ-ի մերձավոր դաշնակիցն է, և այստեղ է գտնվում Ինջիրլիքի ռազմական ավիաբազան, որը «Իսլամական պետություն» ահաբեկչական կազմակերպության դեմ կոալիցիոն ուժերի գործողությունների շրջանակում կաևոր դերակատարում ունի:
Մյուս կողմից այս բախումներին զուգահեռ Էրդողանը կամավոր կերպով ՆԱՏՕ-ի շրջանակներում նոր դերակատարումներ է ստանձնում: Նա առաջարկեց, որ Ստամբուլում գտնվող թուրքական բանակի շտաբն օգտագործվի որպես ՆԱՏՕ-ի նոր ցամաքային ուժերի հրամանատարական կենտրոն: Բացի այդ Իրաքում ՆԱՏՕ-ի սկսած զինվորական կրթության ծրագրի շրջանակներում Թուրքիան պատրաստվում է խորհրդատուներ և հրամանատարներ ուղարկել:
Սակայն Էդողանի կողմից ՆԱՏՕ-ին տրված խոստումները չեն ներկայացնում ամբողջական պատկերը: Էրդողանը երկակի խաղ է խաղում և Թուրքիան հեռացնում է ՆԱՏՕ-ից: Հարկ է նշել նաև, որ Թրամփն էլ է բացեիբաց ՆԱՏՕ-ին քննադատության ենթարկում և կասկածի տակ դնում այդ կառույցի նպատակները:
Առաջիկայում արդյո՞ք Թուրքիան ամերիկացի հոգևորականին բանտում պահելու գնով ՆԱՏՕ-ից ավելի կհեռանա և իր տնտեսությունն առավել վտանգի կենթարկի, ժամանակը ցույց կտա...»
Ալեքսանդր Գրիֆինգը հիշեցնում է նաև, որ չնայած ՆԱՏՕ-ի իր գործընկերների հորդորներին և զգուշացումներին՝ Թուրքիան Ռուսաստանի հետ համաձայնության եկավ S-400 հրթիռային համակարգի ձեռք բերման 2 միլիարդ դոլարանոց գործարքի շուրջ:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |