Տնտեսական13:45, 21 Օգոստոս 2018
ԵՄ-ը Թուրքիային խորհուրդ է տվել ֆինանսական օգնության համար դիմել Արժույթի միջազգային հիմնադրամ
ԵՄ բյուջեի հարցերով հանձնակատար Գյունտեր Օթինգերը հայտարարել է, որ Եվրամիության բյուջեից Թուրքիային ուղղակի օգնություն չի տրամադրվելու: Օթինգերը տեղեկացրել է նաև, որ այս պահին չի քննարկվում Գերմանիայի կողմից Թուրքիային ֆինանսական օգնության տրամադրման հարցը:
Եվրոպացի պաշտոնյան հայտարարել է, որ «օգնություն ստանալու ճիշտ հասցեն Արժույթի միջազգային հիմնադրամն է (IMF-ԱՄՀ) և անհրաժեշտության դեպքում պետք է դիմել «դրամատիկ զարգացումների և լուրջ իրավիճակների» համար հիմնված ԱՄՀ-ին:
Ավելի վաղ էլ Գերմանիայի կառավարության մամուլի ծառայությունից հայտնել էին, որ այդ երկիրը չի պատրաստվում մոտ ապագայում ֆինանսական աջակցություն տրամադրել Թուրքիային:
Գերմանիայի կառավարությունը նման հայտարարություն էր արել՝ ի պատասխան Թուրքիայի ֆինանսների նախարար Մեհմեդ Շիմշեքի այն խոսքերի, թե անկման մեջ գտնվող տնտեսությունը ոտքի հանելու համար իրենք ունեն Գերմանիայի օգնության կարիքը:
Հիշեցնենք, որ Թուրքիան ԱՄՀ-ին ունեցած պարտքը մարել է 2013թ.: ԱՄՀ-ին կատարած Թուրքիայի վերջին վճարումը կազմել է 421 մլն դոլար:
Թուրքիան ԱՄՀ-ին անդամակցել է 1947 թվականի մարտի 11-ին, ինչից հետո կողմերի միջև ստորագրվել է 19 ռեզերվային համաձայնագիր: Թուրքիայի հետ համագործակցության շրջանակներում ԱՄՀ-ն ընդհանուր առմամբ հատկացրել է 50 մլրդ դոլար:
Թուրքիայի նախագահ Ռեջեփ Էրդողանը բազմիցս հայտարարել է, որ երբ իր գլխավորած «Արդարություն ու զարգացում» կուսակցությունը (ԱԶԿ) 2002թ. Թուրքիայում եկավ իշխանության, ԱՄՀ-ին Թուրքիայի պարտքը կազմում էր 23.5 մլրդ դոլար, որն ամբողջությամբ մարվեց իրենց կառավարման տարիներին:
Այս ենթաբաժնի վերջին նորությունները
Մասնավորապես նշվում է, որ էլեկտրաէներգիայի օրական արտադրությունը հասել է 1 մլն 250․000 մեգավատտ-ժամի, իսկ ընդհանուր արտադրությունը ՝ 36.7 մլրդ կիլովատտ-ժամի։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Նշվում է, որ այդ ապրանքները շուկա են մտել դեմպինգային գներով կամ պետական սուբսիդիաների միջոցով ու առաջացնում են անարդար մրցակցություն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |