Արգելվել է Արցախ մեկնած գերմանացի պատգամավորի մուտքն Ադրբեջան

Ղարաբաղ11:03, 21 Օգոստոս 2018

Արգելվել է Արցախ մեկնած գերմանացի պատգամավորի մուտքն Ադրբեջան

Ադրբեջանի արտգործնախարարությունը շարունակում է «սև ցուցակի» մեջ ներառել այն քաղաքական գործիչներին, ովքեր մեկնում են Արցախ։ Այս անգամ պաշտոնական Բաքվի թիրախում է հայտնվել Բունդեսթագի պատգամավոր և «Քրիստոնյա դեմոկրատական կուսակցության» անդամ Ալբերտ Վայլերը։ Վերջինիս մուտքը Ադրբեջան արգելվել է։

Վայլերը ներառված էր Գերմանիայի կանցլեր Անգելա Մերկելին ուղեկցող պատվիրակության մեջ։ Օգոստոսի 23-25-ին Մերկելը կիրականացնի իր անդրկովկասյան այցը՝ մեկնելով Հայաստան, Վրաստան ու Ադրբեջան։

Աղբյուրը նշում է, որ գերմանացի պատգամավորը 2014 և 2016 թվականերին մեկնելով Արցախ, մուտք է գործել «Հայաստանի կողմից օկուպացրած ադրբեջանական տարածքներ»։

Վայլերը նաև Գերմանիա-Հարավային Կովկաս խորհրդարանական խառը հանձնաժողովի փոխնախագահն է:

Ադրբեջանը գերմանացի պատգամավորին հայտարարել է որպես «պերսոնա նոն գրատա» (անցանկալի անձ)։

Աղբյուրը հայտնում է, որ խնդիրը կարգավորելու համար Գերմանիայի արտգործնախարարությունը բանակցություններ էր սկսել Բեռլինում Ադրբեջանի արտակարգ և լիազոր դեսպանի հետ, սակայն դրանք ոչ մի արդյունք չեն տվել։

Աղբյուր` Deutsche Welle.com.tr

Այս ենթաբաժնի վերջին նորությունները

17:30, 10 հունվ

Էրդողանը Լեռնային Ղարաբաղի օկուպացիան վերագրել է թուրք ժողովրդի շահերին

Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:

12:26, 14 դեկտ

Ալիևն ընդունել է Թուրքիայի արտգործնախարարին

Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։

09:28, 16 նոյ

Թուրքական զորակազմը ևս 1 տարի կմնա Արցախի օկուպացված տարածքներում

Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ: