Տարածաշրջան12:39, 17 Օգոստոս 2018
Թուրք վերլուծաբան. «ՆԱՏՕ-ի կազմից Թուրքիայի դուրս գալը ԵՄ-ի համար սարսափելի սցենար է»
Եվրամիության հարցերով մասնագետ, ազգությամբ թուրք Ջեմ Բայդարոլն իր տեսակետներն է ներկայացրել Թուրքիա-Հունաստան, Թուրքիա-ԵՄ (Եվրամիություն), Թուրքիա-ԱՄՆ հարաբերությունների առնչությամբ:
Հունաստանի և Թուրքիայի վերաբերյալ փորձագետ կարծիք է հայտնել, որ հույն զինվորականների ազատ արձակումը դրական ազդակ է հանդիսացել երկու երկրների փոխհարաբերությունների համար: Մինչ այդ թուրք-հունական հարաբերություններում Էգեյան ծովում տեղի ունեցող իրադարձություններով, գյուլենականների արտահանձման Թուրքիայի պահանջով, Կիպրոսում բնական գազի շուրջ ստեղծված անհամաձայնություններով ստեղծվել էր լարվածություն: Եվ ահա Թուրքիայում կալանավորված հույն զինվորականների ազատ արձակումից հետո հույն-թուրքական հարաբերություններում որոշակի փափկեցում նկատվեց: Հունաստանի վարչապետ Ալեքսիս Ցիպրասն իր թվիթերյան էջում գրել էր. «Հույն սպաների ազատ արձակումը արդար մի քայլ էր, որը կնպաստի տարածաշրջանում բարեկամական, բարիդրացիական հարաբերությունների և կայունության ամրապնդմանը»:
Այդ հայտարարությանը հետևեց Հունաստանի պաշտպանության նախարար Պանոս Կամմենոսի պաշտոնական հրավերը Թուրքիայի պաշտպանության նախարար Հուլուսի Աքարին: Այս ամենը թուրք վերլուծաբանը բացատրում է նրանով, որ ԱՄՆ-ի պատժամիջոցներին ի պատասխան Թուրքիան նման գործելաոճով փորձում է ԵՄ հետ մերձեցման ուղերձներ հղել:
Նա նաև կարծում է, որ հնարավոր է որոշակի դրական քայլեր արվեն Մաքսային միության և վիզաների ուղղությամբ:
Ըստ Ջեմ Բայդարոլի՝ ԱՄՆ-ն տնտեսական պատերազմ է հայտարարել ոչ միայն Թուրքիային, այլև Եվրամիությանը: Եվրոպական տարբեր երկրների ղեկավարներից Թուրքիային ուղղված զորակցական ուղերձները փաստում են այն մասին, որ Թուրքիան և ԵՄ-ն իրար տեսնում են միևնույն ճամբարում՝ ընդդեմ ԱՄՆ-ի:
Իսկ ՆԱՏՕ-ից Թուրքիայի դուրս գալու հնարավոր սցենարը վերլուծաբանի գնահատմամբ ուղղակի սարսափելի սցենար կլինի Եվրամիության համար, ուստի Թուրքիա-ԵՄ հարաբերությունների տեսանկյունից, ըստ նրա, նոր փուլի մեկնարկի միտում կա:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |