Ադրբեջանում ազատ է արձակվել ընդդիմադիր կուսակցության առաջնորդը

Տարածաշրջան09:39, 13 Օգոստոս 2018

Ադրբեջանում ազատ է արձակվել ընդդիմադիր կուսակցության առաջնորդը

Ադրբեջանական «Թուրան» լրատվական գործակալությունը տեղեկացնում է, որ Ադրբեջանի ՌԵԱԼ («Հանրապետական այլընտրանք») կուսակցության ղեկավար Իլգար Մամեդովը ազատ է արձակվել: Շեքիի դատարանը 2 տարի փորձաշրջանով պայմանական ազատ արձակման որոշում է կայացրել և արգելել է Մամեդովին լքել երկիրը:

Նշենք, որ ՌԵԱԼ-ը ընդդիմադիր քաղաքական շարժում էր, որը դեռևս 2017թ. հոկտեմբերին հայտարարել էր շարժման՝ կուսակցության վերածվելու մասին: Շարժման և կուսակցության առաջնորդը համարվում է Իլգար Մամեդովը, ով ձերբակալվել էր 2013թ․ և դատապարտվել 7 տարվա ազատազրկման՝ Իսմայիլլի քաղաքում տեղի ունեցած հուզումների համատեքստում:

Դեռևս 2014թ. Մարդու իրավունքների եվրոպական դատարանը որոշում էր կայացրել Մամեդովին առանց նախապայմանի ազատ արձակելու մասին: Սակայն Ադրբեջանը հրաժարվել էր կատարել այդ որոշումը, ինչի կապակցությամբ 2017թ. դեկտեմբերին Եվրախորհրդի նախարարների կոմիտեն դատական քննություն էր սկսել:

2018թ. հուլիսի 4-ին Եվրոպական խորհրդարանի լիագումար նստաշրջանի ժամանակ ընդունվել են ԵՄ-Ադրբեջան նոր համաձայնագրի համար անհրաժեշտ պայմանները, որում մեծ տեղ է հատկացված քաղբանտարկյալների ազատ արձակմանը, ազատ ու անկախ մամուլին, մարդու իրավունքների և հիմնարար ազատությունների պահպանմանը

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։