Տարածաշրջան08:57, 06 Օգոստոս 2018
Էրդողանը ԱՄՆ-ին սպառնում է պատասխան պատժամիջոցներով
Թուրքիայի նախագահ Ռեջեփ Թայիփ Էրդողանը «Արդարություն և զարգացում» կուսակցության (ԱԶԿ-AKP) կանանց թևի խորհրդի նիստին ունեցած ելույթում անդրադարձել է թուրք-ամերիկյան լարված հարաբերություններին։
Էրդողանը, հիշեցնելով, որ մի քանի օր առաջ ամերիկացի հոգևորական Բրանսոնի գործի շրջանակներում ամերիկացի ղեկավարները արգելեցին Թուրքիայի ներքին գործերի և արդարադատության նախարարների մուտքը ԱՄՆ, հայտնել է, որ իրենք այդ քայլն անպատասխան չեն թողնի:
Թուրքիայի նախագահը շեշտել է , որ բացի նախարարների մուտքը արգելելուց, ԱՄՆ-ում որոշել են սառեցնել նաև նախարարների ֆինանսական միջոցները, այնինչ վերջիններս այդ երկրում, որևէ միջոց չունեն:
«Հայտարարել թե նախարարների նյութական միջոցները կալանքի տակ են վերցնում, այն դեպքում, երբ նրանք այնտեղ նյութական միջոց չունեն, անտրամաբանական է: Ես էլ ի պատասխան դրան այսօր կարգադրում եմ. ԱՄՆ-ի արդարադատության և ներքին գործերի նախարարների Թուրքիայում ունեցած միջոցները կսառեցնենք, եթե իհարկե նրանք Թուրքիայում որևէ ֆինանսական միջոց ունեն: Պարոն Թրամփին էլ եմ այս մասին ասել»,- ասել է Էրդողանը:
Էրդողանը հայտնել է, որ հոգևորականի գործի պատճառով ԱՄՆ-ի արած քայլերը ռազմավարական գործընկերոջը հարիր քայլեր չեն և լուրջ անհարգանք են Թուրքիայի հանդեպ:
Հիշեցնենք, որ ԱՄՆ-ն նման որոշում է կայացրել այն պատճառով, որ Թուրքիան ազատ չի արձակում ամերիկացի հոգևորական Էնդրյու Բրանսոնին, ով թուրքական իրավապահ մարմինների կողմից մեղադրվում է Թուրքիայում ահաբեկչական կազմակերպությունների հետ կապ ունենալու մեջ։ Ըստ Վաշինգտոնի՝ այն, որ Բրանսոնը ազատ չի արձակվում, դրա գլխավոր մեղավորները Թուրքիայի արդարադատության և ներքին գործերի նախարարներն են։
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |