Էրդողանը Ազգային անվտանգության խորհրդի նիստ է հրավիրելու

Տարածաշրջան12:46, 30 Հուլիս 2018

Էրդողանը Ազգային անվտանգության խորհրդի նիստ է հրավիրելու

Այսօր՝ հուլիսի 10-ին, Թուրքիայի նախագահ Ռեջեփ Թայիփ Էրդողանը Ազգային անվտանգության խորհրդի նիստ (MGK) է հրավիրել։

Նիստին մասնակցելու են փոխնախագահ Ֆուաթ Օքթայը, Զինված ուժերի գլխավոր շտաբի պետ, բանակի գեներալ Յաշար Գյուլերը, Պաշտպանության նախարար Հուլուսի Աքարը, Ներքին գործերի նախարար Սուլեյման Սոյլուն, Արտգործնախարար Մևլութ Չավուշօղլուն, Արդարադատության նախարար Աբդուլհամիթ Գյուլը, ինչպես նաև Գանձապետարանի և ֆինանսների նախարար Բերաթ Ալբայրաքը։

Թուրքական աղբյուրը որպես ուշագրավ փաստ առանձնացնում է այն, որ Թուրքիայի պաշտպանության նախարար Հուլուսի Աքարը, ով նախկինում զբաղեցնում էր գլխավոր շտաբի պետի պաշտոնը ու նիստերին մասնակցում էր զինվորական հագուստով, այսօր կլինի քաղաքացիական հագուստով։

Նիստի օրակարգում լինելու են թուրք-ամերիկյան հարաբերություններին վերաբերող հարցեր` մասնավորապես Թուրքիայում կալանավորված ամերիկացի հոգևորական Էնդրյու Բրանսոնի շուրջ ստեղծված իրավիճակը։

Սպասվում է, որ կքննարկվի նաև Սիրիայում տիրող իրավիճակը։ Նիստի ժամանակ Էրդողանը որոշ մանրամասներ է հաղորդելու նաև Ռուսաստանի նախագահ Վլադիմիր Պուտինի հետ հանդիպման վերաբերյալ։ Երկու նախագահները հանդիպել էին BRICS-ի գագաթնաժողովի շրջանակներում՝ Յոհանեսբուրգում։

Աղբյուր` Cumhuriyet

Այս ենթաբաժնի վերջին նորությունները

12:12, 07 հուլ

Էրդողան. «Հայաստանի ու Ադրբեջանի միջև կնքվելիք խաղաղության պայմանագիրը փոխելու է տարածաշրջանի մթնոլորտը»

Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։