Քաղաքական08:08, 30 Հուլիս 2018
Թուրքական ԶԼՄ-ները Փաշինյանի` հայ-թուրքական հարաբերությունների մասին հայտարարությունը «պատմական» են որակել

ՀՀ վարչապետ Նիկոլ Փաշինյանի հայ-թուրքական հարաբերությունների մասին հայտարարությունը լայն արձագանք է ստացել թուրքական մամուլում:
ՀՀ վարչապետը «Al Jazira» հեռուստաընկերությանը տված հարցազրույցի ժամանակ հայտարարել էր, որ Հայաստանը պատրաստ է Թուրքիայի հետ առանց նախապայմանների դիվանագիտական հարաբերություններ հաստատել:
Թեմային անդրադարձել են թուրքական թե՛ ընդդիմադիր և լիբերալ, թե՛ իշխանամետ լրատվամիջոցները։
Թուրքական ԶԼՄ-ների մի մասը Փաշինյանի հայտարարությունը «պատմական» է որակել: Այս շեշտադրումն արտացոլվել է հրապարակումների վերնագրերում` «Հայաստանից անակնկալ հայտարարություն Թուրքիայի մասին», «Կարևոր ուղերձ Թուրքիային․․․Պատրաստ ենք դիվանագիտական հարաբերություններ հաստատել», «Հայաստանի վարչապետ Փաշինյանից պատմական կոչ Թուրքիային»։
Թեմային անդրադարձել են գրեթե բոլոր խոշոր լրատվական կայքերը՝ «NTV.com.tr», «Posta», «Sabah», «Milliyet», «CNNturk», «Ensonhaber», «Güneş», «Vatan», «Ahaber», «Haber3», «Cumhuriyet», «Habertürk», «Haberler», «Sondakika», «Türkiye gazetesi», «Marmara gazetesi», «Haber7» «Demokrathaber», «Diken»: Լրատվամիջոցները նույնաբովանդակ հրապարակումներում մեջբերել են ՀՀ վարչապետի խոսքերը, որ սահմանը փակվել է Թուրքիայի կողմից, հայկական կողմից այն բաց է, և Թուրքիան է, որ սահմանը բացելու որոշում պետք է կայացնի։
Նշվել է, որ Փաշինյանը հայտնել է, որ Հայաստանը պատրաստ է Թուրքիայի հետ առանց նախապայմանների դիվանագիտական հարաբերություններ հաստատել։ Այս համատեքստում մեջբերվել է ՀՀ վարչապետի հետևյալ խոսքերը․ «Բոլոր խնդիրները պետք է խաղաղ բանակցությունների միջոցով լուծել։ Պատրաստ ենք կառուցողական լինել, որպեսզի տարածաշրջանն ավելի անվտանգ, խաղաղ և բարեկեցիկ ապրի»։
Լրատվամիջոցների որոշները բացի հայ-թուրքական հարաբերությունների մասին հատվածից ներկայացրել են նաև ՀՀ վարչապետի այն խոսքերը, որոնք վերաբերում են ԼՂ հակամարտության բանակցություններին և Ադրբեջանում հայկական հեղափոխության կրկնության հավանականությանը։
Այս ենթաբաժնի վերջին նորությունները

Այցի ընթացքում Ուկրաինայում նախատեսվում է եռակողմ հանդիպում՝ Էրդողանի, Զելենսկու և ՄԱԿ-ի գլխավոր քարտուղարի մասնակցությամբ:

Գլխավոր ընդդիմադիր ուժը գերազանցել է իշխող «Արդարություն և զարգացում» կուսակցությանը:

Մուսա Ալիօղլու. «Ինչ անունով էլ կոչենք, մեկ է, 1915թ. ցավալի իրադարձությունները պատմական փաստ են»։
Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մուսա Ալիօղլու. «Ինչ անունով էլ կոչենք, մեկ է, 1915թ. ցավալի իրադարձությունները պատմական փաստ են»։
Աթիլա Յեշիլադա. «Ենթադրենք, Ռուսաստանից 50 միլիարդ դոլար եկավ։ Դա կօգնի՞ նախագահ Թայիփ Էրդողանին ընտրություններում հաղթել։ Չի՛ օգնի»։
Սիրիայի քրդական ուժերը, որոնց Թուրքիան ահաբեկչական է համարում, Սիրիայի կողմից կրակ են բացել թուրքական պարեկապահապային կետի վրա:
Բանակցությունների նախաձեռնողն ԱՄՆ-ն է, իսկ նպատակը՝ «F-16»-երի մատակարարումը և արդիականացումը ամենասեղմ ժամկետներում իրականացնելը։
Թուրքիայում ազատազրկված լրագրողների թիվը վերջին շրջանում հասել է 67-ի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |