Տարածաշրջան06:20, 25 Հուլիս 2018
Հունաստանը մերժել է Թուրքիայի օգնության առաջարկը
Թուրք-հունական լարված հարաբերություննների համատեքստում, Թուրքիան իր օգնությունն է առաջարկել Հունաստանին՝ Աթենքում բռնկված հրդեհները մարելու և վերջիններիս հետևանքները հաղթահարելու հարցում։
Օգնությունն առաջարկվել էր ինչպես Թուրքիայի նախագահ Ռեջեփ Թայիփ Էրդողանի, այնպես էլ արտգործնախարար Մևլութ Չավուշօղլուի կողմից։
Ի պատասխան թուրքական կողմի առաջարկին, Հունաստանի արտգործնախարար Նիկոս Կոցիասը, հաշվի առնելով թուրք-հունական լարված հարաբերությունները , ասել է.
«Անհրաժեշտություն չկա, առաջիկայում սպասում ենք անձրևների»։
Հայտնի է, որ Աթենքի արվարձաններում անտառային հրդեհների հետևանքով ավելի քան 60 մարդ է զոհվել: Տուժել է ավելի քան 150 մարդ: Տեղի ունեցածի հետևանքով Հունաստանում եռօրյա սուգ է հայտարարվել:
Հիշեցնենք, որ թուրք-հունական հարաբերությունները լարվեցին այն բանից հետո, երբ հունական դատարանը մերժել էր թուրքական կողմին հանձնել հուլիսի 15-ին Թուրքիայում տեղի ունեցած ռազմական հեղաշրջման փորձին մասնակից 8 թուրք զինվորականներին, ովքեր փախել էին Հունաստան: Բացի այդ, լարվածության պատճառ է դարձել այն, որ թուրքական ռազմական ինքնաթիռները հաճախակի խախտում են Հունաստանի օդային սահմանը՝ Էգեյան ծովի մոտ։ Դրանից զատ, Էգեյան ծովում կան կղզիներ, որոնց պատկանելիության շուրջ վեճեր կան երկու երկրների միջև։
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |