Միջազգային07:01, 20 Հուլիս 2018
The Guardian. «Սարսափի խեղդող մթնոլորտը շարունակում է գոյություն ունենալ Թուրքիայում»
2016թ․ ձախողված հեղաշրջումից հետո Թուրքիայում հայտարարված արտակարգ դրության ռեժիմի դադարեցումը լայն արձագանք է գտել համաշխարհային մամուլում։
Ֆրանսիական «Le Monde» թերթը նկատել է, որ արտակարգ դրության ռեժիմը Թուրքիայում օգտագործվում էր հատկապես հուլիսի 15-ի հեղաշրջման փորձի հեղինակների և քուրդ քաղաքական գործիչների հետապնդման, ինչպես նաև քննադատական դիրքորոշում ունեցող լրագրողներին ու հասարակական կազմակերպություններին թիրախավորելու նպատակով։
Թերթը մտահոգություն է հայտնել, որ արտակարգ դրության ռեժիմի դադարեցումը որևէ փոփոխություն չի մտցնի երկրում տիրող բռնության մթնոլորտում։ Աղբյուրը մտահոգիչ է համարել այն հանգամանքը, որ մարդկանց աշխատանքից զանգվածաբար հեռացնելու դեպքերը դեռ շարունակվում են, միաժամանակ սահմանափակվում են թիրախավորված անձանց ազատ տեղաշարժի իրավունքն ու երկրից հեռանալու հնարավորությունը։
Ֆրանսիական «Le Figaro» թերթի համոզմամբ՝ Էրդողանի ռեժիմը օրակարգից հանել է միայն «արտակարգ դրության» անունը, այլ ոչ բուն ռեժիմը։ Աղբյուրի համաձայն՝ իշխող կուսակցության կողմից մեջլիսի օրակարգ բերված նոր նախագծերի շնորհիվ արտակարգ դրության ռեժիմը զգալի մասշտաբով կշարունակի գոյություն ունենալ։
Գերմանական «Der Spiegel» պարբերականի պաշտոնական կայքը նույնպես նկատել է, որ Թուրքիայում արտակարգ դրության ռեժիմի դադարեցման մասին հայտարարությունները որևէ փոփոխության չեն հանգեցնի։
Բրիտանական «Financial Times» թերթն էլ հիշեցրել է, որ արտակարգ դրության ռեժիմի պայմաններում միայն հեղաշրջման փորձին մասնակցության մեղադրանքով 75․000 քաղաքացի է կալանավորվել, իսկ 130․000 մարդ հեռացվել է աշխատանքից։
Իսկ «The Guardian» թերթի բնութագրմամբ՝ սարսափի խեղդող մթնոլորտը շարունակում է գոյություն ունենալ Թուրքիայում՝ անկախ արտակարգ դրության ռեժիմի դադարեցումից։
«2016թ․ հեղաշրջման փորձից հետո հայտարարված արտակարգ դրության ռեժիմը դադարեցվեց, սակայն Էրդողանը համառորեն շարունակում է հետապննդել ընդդիմադիրներին», -ասված է հոդվածում։
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |