Ըստ վկայի՝ Թուրքիայում կալանավորված ամերիկացի հոգևորականի մոտ Քուրդիստանի քարտեզ է եղել

Քաղաքական11:36, 18 Հուլիս 2018

Ըստ վկայի՝ Թուրքիայում կալանավորված ամերիկացի հոգևորականի մոտ Քուրդիստանի քարտեզ է եղել

Թուրքիայի Իզմիր քաղաքում տեղի է ունեցել ամերիկացի հոգևորական Էնդրյու Բրանսոնի դատավարության երրորդ նիստը։

Բրանսոնը մեղադրվում է Թուրքիայում ահաբեկչական համարվող գյուլենական շարժման (համայնք) հետ կապ ունենալու, քաղաքական և ռազմական լրտեսություն անելու, ինչպես նաև «Քուրդիստանի բանվորական կուսակցության» (ՔԲԿ-PKK) հետ կապեր ունենալու մեջ։ Նրան սպառնում է մինչև 20 տարվա ազատազրկում։

Նիստին մասնակցել է նաև ԱՄՆ-ից եկած պատվիրակություն, որոնց կազմում է եղել նաև Բրանսոնի կինը՝ Նորին Լին Բրանսոնը, ինչպես նաև Թուրքիայում ԱՄՆ-ի դեսպանատան ներկայացուցիչ Ֆիլիփ Քոսնեթը։

Դատավարության նիստին վկայություն է տվել Լևենթ Ալքան անունով եկեղեցու մի սպասավոր, ով 10 տարի ճանաչում է Բրանսենին։

Նրա վկայության համաձայն՝ Բրանսոնը համակրել է PKK-ին։ Ըստ վկայի՝ նա հաճախակի իր հոգևոր քարոզներում նշում էր, թե իբր Թուրքիայում քրդերը և թուրքերը պատերազմական իրավիճակում են։

«Մի օր նրա սենյակ մտա և տեսա PKK-ի վերաբերյալ փաստաթղթեր։ Կային նաև PKK-ին պատկանող թռուցիկներ։ Մի անգամ էլ ահաբեկչական կազմակերպությունների կողմից կիրառվող Քուրդիստանի քարտեզ նկատեցի», ասել է վկան։

Աղբյուր` Ahaber

Այս ենթաբաժնի վերջին նորությունները

09:44, 03 սեպ

Թուրքիայի և Հորդանանի ԱԳ նախարարները զրուցել են հեռախոսով

Օրակարգում են եղել Գազայում տիրող իրավիճակն ու մի շարք այլ հարցեր:

15:51, 02 սեպ

Ըստ Էրդողանի՝ Ադրբեջանն ու Հայաստանը հասել են խաղաղության ճանապարհի վերջին կետին

Թուրքիայի նախագահ Ռեջեփ Թայիփ Էրդողանը Չինաստանից վերադարձի ճանապարհին ինքնաթիռում պատասխանել է լրագրողների հարցերին։

15:13, 02 սեպ

Թուրքիայում գլխավոր ընդդիմադիր կուսակցապետին ցանկանում են զրկել անձեռնմխելիությունից

Թուրքիայի խորհրդարանի ղեկավարությանը մի շարք ընդդիմադիր պատգամավորների անձեռնմխելիությունից զրկելու մասին պահանջով դատավարական 11 ամփոփում է ներկայացվել: