Իրականացել է Թուրքիայի պատմության ամենախոշոր ռազմարդյունաբերական գործարքը

Տարածաշրջան08:20, 13 Հուլիս 2018

Իրականացել է Թուրքիայի պատմության ամենախոշոր ռազմարդյունաբերական գործարքը

Թուրքիայի աերոտիեզերական արդյունաբերություն ընկերության (TAI) և Պակիստանի ռազմարդյունաբերության նախարարության միջև ստորագրվել է թուրքական արտադրության 30 միավոր «T-129 Atak» հարվածային ուղղաթիռների վաճառքի մասին համաձայնագիր:

Այս համաձայնագրի կնքումով իրականություն դարձավ մեկանգամյա արտահանման տեսանկյունից Թուրքիայի պատմության ամենախոշոր ռազմարդյունաբերական գործարքը:

Նշյալ համաձայնագրի շրջանակներում Թուրքիայի աերոտիեզերական արդյունաբերական ընկերությունը բացի վաճառքից ապահովելու է նաև բեռնափոխադրումների, պահեստամասերի մատակարարումը և տեխնիկական անձնակազմի վերապատրաստման կուրսերի անցկացումը:

Հիշեցնենք, որ «T-129 Atak» հարվածային ուղղաթիռներն արտադրվել են Թուրքիայի զինված ուժերի պատվերով, թուրքական և իտալական ռազմարդյունաբերական ընկերությունների համատեղ ջանքերով՝ հիմք ունենալով իտալական Agusta A129 ուղղաթիռների մոդելը:

«T-129 Atak» ուղղաթիռների վրա դրված է ժամանակակից համակարգ, որը թույլ է տալիս ավելի արագ հայտնաբերել թիրախին և ոչնչացնել։ Կարող են օդում մնալ 2.5 ժամ, անցնել 270կմ տարածք։ «T-129 Atak»-ը հնարավորություն ունի թռչել չափազանց ցածր բարձրության վրա և իրականացնել բարդ խուսանավումներ։

Աղբյուր` Hurryet.com.tr

Այս ենթաբաժնի վերջին նորությունները

12:12, 07 հուլ

Էրդողան. «Հայաստանի ու Ադրբեջանի միջև կնքվելիք խաղաղության պայմանագիրը փոխելու է տարածաշրջանի մթնոլորտը»

Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։