Տարածաշրջան09:59, 12 Հուլիս 2018
Այսօր Թուրքիայի խորհրդարանը կունենա նոր նախագահ
Հուլիսի 12-ին Թուրքիայի խորհդարանում կայանալու են մեջլիսի նախագահի ընտրություններ։ Հունիսի 24-ի արտահերթ խորհրդարանական ընտրությունների արդյունքներով մեջլիս անցած 5 կուսակցություններից 4-ը առաջադրել են իրենց թեկնածուներին։
Թուրքիայի իշխող «Արդարություն և զարգացում» (ԱԶԿ-AKP) կուսակցության թեկնածուն նախկին վարչապետ Բինալի Յըլդըրըմն է։ Ընդդիմադիր քեմալական «Ժողովրդահանրապետական» կուսակցության (ԺՀԿ-CHP) թեկնածուն լինելու է Էրդողան Թոփրաքը։ Ընդդիմադիր քրդամետ «Ժողովուրդների դեմոկրատական կուսակցությունն» (ԺԴԿ-HDP) առաջադրել է Մերալ Դանըշ Բեշթաշի, իսկ ազգայնական «İYİ» (Լավ) կուսակցությունը՝ Հայրեթթին Նուհօղլուի թեկնածությունը։
Խորհրդարանի նախագահն ընտրվելու է գաղտնի քվեարկությամբ։ Ընտրության համար նախատեսված է 3 փուլ։ Առաջին երկու քվեարկության ժամանակ թեկնածուն պետք է ստանա խորհրդարանի անդամների ընդհանուր թվի երկու երրորդի (400քվե) ձայները, իսկ երրորդ փուլում՝ 50+1 (301) քվե:
Թուրքիայի մեջլիսի նախկին նախարարը Իսմայիլ Քահրամանն էր։
Հիշեցնենք, որ հունիսի 24-ին կայացած ընտրությունների պաշտոնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |