Կրթությունն անավարտ թողած ուսանողների թվով Թուրքիան ԵՄ-ում առաջին տեղում է

Գիտակրթական08:21, 11 Հուլիս 2018

Կրթությունն անավարտ թողած ուսանողների թվով Թուրքիան ԵՄ-ում առաջին տեղում է

Մամուլի վերլուծությամբ զբաղվող «Ajans Pres» գործակալությունը վիճակագրական տվյալներ է հրապարակել Թուրքիայի կրթության ոլորտի վերաբերյալ։

Մամուլի հրապարակումների հիման վրա կազմված զեկույցի համաձայն՝ Թուրքիայում կրթությունը կիսատ թողած ուսանողների թիվը անհամեմատ ավելի մեծ է, քան Եվրոպական միության (ԵՄ) երկրներում։ Այսպես, Թուրքիայի 18-24 տարեկան բնակչության շուրջ 34․3 տոկոսը նախքան կրթության ավարտը դադարում է հաճախել ուսումնական հաստատություն։ ԵՄ երկրներում այդ ցուցանիշը զգալիորեն ավելի ցածր է։

Ուսումը կիսատ թողած երիտասարդների թվով առաջատար Թուրքիային այս ցանկում հաջորդում է Իսլանդիան՝ 19․9 տոկոս ցուցանիշով։ Երրորդ տեղում Մալթան է (19.6 տոկոս)։

Լավագույն ցուցանիշները գրանցվել են Խորվաթիայում (2․8 տոկոս), Շվեյցարիայում (4․8 տոկոս) և Լիտվայում (4․8 տոկոս)։ ԵՄ երկրների համար կրթությունն անավարտ թողած ուսանողների միջինացված թիվը 10․6 տոկոսն է։

Մյուս կողմից, Թուրքիայի ներսում ուսանողներն ամենից հաճախ ուսումը կիսատ են թողնում հարավարևելյան Անատոլիայում (51․6 տոկոս), իսկ Սև ծովի արևելյան տարածաշրջանում այդ ցուցանիշն ամենացածրն է։ Արձանագրվել է նաև, որ իգական սեռի ներկայացուցիչներն ավելի հաճախ են անավարտ թողնում կրթությունը, քան արական սեռի ներկայացուցիչները։

Աղբյուր` DHA

Այս ենթաբաժնի վերջին նորությունները

11:29, 15 սեպ

Թուրքիայի հայկական դպրոցներում աշակերտների թիվը նվազում է

Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։