10:44, 10 Հուլիս 2018
Ո՞վ է թուրքական բանակի գլխավոր շտաբի նորանշանակ պետը
Թուրքիայում հունիսի 24-ին տեղի ունեցած խորհրդարանական և նախագահական ընտրություններից հետո Թուրքիան ունի զինված ուժերի գլխավոր շտաբի նոր պետ:
Նախագահ Ռեջեփ Թայիփ Էրդողանի հրամանագրով Թուրքիայի ԶՈՒ գլխավոր շտաբի պետ է նշանակվել ցամաքային զորքերի արդեն նախկին հրամանատար բանակի գեներալ Յաշար Գյուլերի:
Իսկ գլխավոր շտաբի նախկին պետ Հուլուսի Աքարը նշանակվել է պաշտպանության նախարար:
Թուրքիայի ԶՈՒ գլխավոր շտաբի նոր պետ Յաշար Գյուլերը ծնվել է 1954թ.-ին պատմական Հայաստանի, ներկայիս Թուրքիայի Հանրապետության Արդահան քաղաքում:
1974թ.-ին ավարտել է Ցամաքային զորքերի ռազմական ուսումնարանը և ստացել լեյտենանտի կոչում:
Տարբեր պաշտոններ է զբաղեցրել Թուրքիայի զինված ուժերում: Իտալիայի Նեապոլ քաղաքում տեղակայված ՆԱՏՕ-ի Հարավային հրամանատարության կապի ղեկավարի օգնականն է եղել: 1999-2000թթ. «Գործընկերություն հանուն խաղաղության ուսումնական կենտրոնի» հրամանատարի, իսկ 2000-2001թթ. ԶՈՒ գլխավոր շտաբի զորավարժությունների վարչության պետի պաշտոններն է զբաղեցրել:
2001-ին ստացել է գեներալ-մայորի, 2005-ին՝ գեներալ-լեյտենանտի, իսկ 2009-ին՝ գեներալ-գնդապետի կոչում: 2009-2010թթ ղեկավարել է քարտեզագրության ընդհանուր հրամանատարությունը, 2010-2011թթ. եղել է 4-րդ բանակային կորպուսի հրամանատար, իսկ 2011-2013թթ՝ ԶՈՒ գլխավոր շտաբի հետախուզության պետ:
2013թ.-ին ստացել է բանակի գեներալի կոչում, 2013-2016թթ. եղել է Թուրքիայի ԶՈՒ գլխավոր շտաբի պետի տեղակալ, 2016-2017թթ՝ Ժանդարմերիայի ընդհանուր հրամանատար:
2017թ. օգոստոսի 2-ին Զիվորական բարձրագույն խորհրդի որոշմամբ նշանակվել է Թուրքիայի ցամաքային զորքերի հրամանատար: Եվ հիմա արդեն կպաշտոնավարի իբրև ԶՈւ ԳՇ պետ:
Այսպիսով Յաշար Գյուլերը դարձավ թուրքական բանակի գլխավոր շտաբի 30-րդ պետը: Նա տիրապետում է անգլերենին: Ամուսնացած է, ունի մեկ երեխա, երկու թոռ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |