Ավստրիայի փոխվարչապետը Էրդողանին ձայն տված թուրքերին առաջարկել է լքել երկիրը

Տարածաշրջան12:03, 06 Հուլիս 2018

Ավստրիայի փոխվարչապետը Էրդողանին ձայն տված թուրքերին առաջարկել է լքել երկիրը

Ավստրիայի փոխվարչապետ և «Ազատություն» կուսակցության նախագահ Հայնց Քրիստիան Շտրախեն հայտարարություն է արել Թուրքիայում տեղի ունեցած արտահերթ նախագահական և խորհրդարանական ընտրությունների վերաբերյալ։

Շտրախեն իր ֆեյսբուքյան էջում գրառում է կատարել` հորդորելով Ավստրիայում ապրող և Թուրքիայի նախագահ Ռեջեփ Թայիփ Էրդողանին ձայն տված թուրքերին լքել իրենց երկրի սահմանները։

Նա մասնավորապես գրել է. «Ավստրիայում ապրող և Էրդողանին ձայն տված թուրքերին առաջարկում եմ Թուրքիա վերադառնալ»։

Աղբյուրը նշում է, որ վերոնշյալ գրառումը հավանել է 26 000 մարդ, ևս 6000 հոգի էլ կիսվել դրանով:

Թուրքական աղբյուրը նշում է, որ Ավստրիայի փոխվարչապետը նախկինում էլ աչքի է ընկել հակաթուրքական հայտարարություններով։
Նշվում է նաև, որ Ավստրիայում Թուրքիայի արտահերթ նախագահական ընտրություններին մասնակցելու իրավունք ունեցած թուրքերի 72.3 տոկոսը քվեարկել է Էրդողանի օգտին։

Աղբյուր` Yurtgazetesi

Այս ենթաբաժնի վերջին նորությունները

12:12, 07 հուլ

Էրդողան. «Հայաստանի ու Ադրբեջանի միջև կնքվելիք խաղաղության պայմանագիրը փոխելու է տարածաշրջանի մթնոլորտը»

Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։