Քաղաքական07:17, 06 Հուլիս 2018
Թուրքիան գործազրկության մակարդակով OECD երկրների ցանկում առաջատար է
Տնտեսական համագործակցության և զարգացման կազմակերպությունը (OECD) աշխարհում գործազրկության մակարդակի վերաբերյալ նոր զեկույց է հրապարակել։ Ըստ այդմ՝ Թուրքիան ներառվել է գործազրկության բարձր մակարդակով և աշխատանքի անբարենպաստ պայմաններով աչքի ընկնող երկրների ցանկում։
Այստեղ միլիոնավոր մարդիկ չունեն աշխատելու հնարավորություն, իսկ նրանք, ովքեր որևէ աշխատանք ունեն, օրական աշխատում են նախատեսվածից երկար՝ շատ ցածր աշխատավարձի դիմաց։
OECD անդամ 35 երկրում գործազրկության միջին մակարդակը կազմում է 5․9 տոկոս։ Իսկ Թուրքիայում այդ ցուցանիշը կազմում է 11․2 տոկոս։ Ընդ որում, նշված 35 երկրում գործազրկության միջինացված ցուցանիշը վերջին 10 տարվա ընթացքում նվազել է 0․4 տոկոսով, իսկ Թուրքիայում նույն ժամանակահատվածում աճել է 0․7 տոկոսով։
OECD անդամ երկրներում 2017թ․ միջին տարեկան աշխատավարձը ավելացել է 0․3 տոկոսով, իսկ Թուրքիայում տարվա առաջին կեսին գրանցված 1 տոկոս աճին հաջորդել է 3 տոկոս նվազումը։
Աշխատուժի լիարժեք օգտագործման տեսակետից ևս Թուրքիան վերջին հորիզոնականներում է։ Եթե Իսլանդիայում աշխատում է աշխատունակ բնակչության 87․2 տոկոսը, Շվեդիայում՝ 81․8, Ճապոնիայում՝ 80․3 տոկոսը, ապա Թուրքիայում այդ ցուցանիշը կազմում է 55 տոկոս։ Այսպիսով, գործազուրկները, աշխատանք չփնտրողները և կես դրույքով աշխատողները կազմում են երկրի աշխատուժի շուրջ 45 տոկոսը։ Աշխատուժի թերի օգտագործման բարձր ցուցանիշով Թուրքիան OECD-ում առաջատարներից մեկն է։
Այս ենթաբաժնի վերջին նորությունները
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |