Հասարակական09:10, 04 Հուլիս 2018
Թուրք պրոֆեսոր. Հայաստանում ժողովրդավարության և ազատության քամիներ են փչում
Թուրք անվանի ցեղասպանագետ, Հայոց ցեղասպանությանը նվիրված իր աշխատություններով հայտնի Թաներ Աքչամը Երևանում մասնակցել է իր գրքերի՝ հայերեն և անգլերեն թարգմանությունների առթիվ կազմակերպված մի շարք միջոցառումների։
Թուրքիայի հայկական «Ակoս» թերթի գլխավոր խմբագիր Էդուարդ Տանձիկյանի հետ զրույցում Աքչամն ընդգծել է, որ իր բոլոր աշխատությունները, բացառությամբ երկուսի, արդեն թարգմանվել են հայերեն։ Իսկ նշված երկու գրքերի՝ «Kanunların ruhu» և «Naim Efendi Hatıratı» հայերեն թարգմանության համար այցի ընթացքում նախնական համաձայնություններ են ձեռք բերվել։
Աքչամն անդրադարձել է նաև իշխանափոխությունից հետո հայաստանյան ներքաղաքական զարգացումներին։ Նա այսօրվա Հայաստանը համեմատել է Աստերիքսի և Օրբելիքսի գյուղի հետ, որը ոչ մի կերպ չէր կարողանում զավթել ողջ աշխարհը նվաճած Հռոմեական կայսրությունը։
«Հայաստանն էլ աշխարհի հսկա քարտեզի վրա մի հրաշալի կղզյակ է, որ տարբերվում է ողջ աշխարհից՝ Ռուսաստանից, Թուրքիայից, Եվրոպայից, ԱՄՆ-ից, որտեղ քաղաքականությունը մեծ չափով պայմանավորված է ազգայնամոլական, ռասիստական, ավտորիտար և տոտալիտար հոսանքներով։ Հայաստանում ժողովրդավարության և ազատության քամիներ են փչում»,- նկատում է Աքչամը։
Անդրադառնալով ՀՀ նոր վարչապետ Նիկոլ Փաշինյանի օրոք երկրում ամեն օր մեծ հնչեղությամբ պայթող կոռուպցիոն սկանդալային բացահայտումների թեմային՝ ցեղասպանագետը նշել է․ «Երբ ես լսեցի այդ մասին, ուզում էի մի վերլուծություն գրել՝ «Այն, ինչ չհաջողվեց անել Քըլըչդարօղլուին» խորագրով։ Պարզվում է՝ Փաշինյանը ոգեշնչվել է Քըլըչդարօղլուի «արդարության երթից» և ընդօրինակել է այդ մոդելը։ Փաստորեն, Թուրքիայում կիրառված որոշ քաղաքացիական ըմբոստության միջոցներ ընդօրինակվել են։ Սակայն նկատելի է, որ Թուրքիայում Քըլըչդարօղլուն Փաշինյանի չափ քաղաքական համարձակություն չուներ և հավանաբար վախենում էր փոփոխություններից»։
Հայաստանյան այցի ընթացքում Աքչամը բացի մշակութային միջոցառումներից հանդիպումներ է ունեցել նաև ՀՀ արտգործնախարար Զոհրապ Մնացականյանի և մի շարք այլ գործիչների հետ։
Այս ենթաբաժնի վերջին նորությունները
Նա նշել է, որ այնտեղից է ցանկանում է քայլելով հասնել մինչև Բաքու։
«Թուրքիայի վիճակագրական ինստիտուտի» տվյալների համաձայն՝ ամենից շատ օգտագործվող սոցցանցը Whatsapp-ն է:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |