Իրավական10:41, 29 Հունիս 2018
Քրդամետ կուսակցությունը դատի է տվել Թուրքիայի ներքին գործերի նախարարին
Թուրքիայի ընդդիմադիր քրդամետ «Ժողովուրդների դեմոկրատական» կուսակցությունը (ԺԴԿ-HDP) դատական հայց է ներկայացրել ներքին գործերի նախարար Սուլեյման Սոյլուի դեմ։
Կուսակցության համանախագահ Փերվին Բուլդանը երեկ հայտարարել էր, որ Սոյլուն իրենց ուղղված սպառնալիքներ է հնչեցրել։
ԺԴԿ-ի ներկայացրած հայցում մասնավորապես ասված է․ «Ներքին գործերի նախարար Սուլեյման Սոյլուն ԱԶԿ-ի («Արդարություն և զարգացում կուսակցություն-AKP») ներսում իր դիրքերն ամրապնդելու նպատակով մամուլին հանձնած հեռախոսազրույցի ձայնագրության մեջ բացահայտորեն սպառնացել է ԺԴԿ–ին և կուսակցության համանախագահ Փերվին Բուլդանին՝ հայտարարելով․ «Դուք արդեն ապրելու իրավունք չունեք»։
Հայցում նշվում է նաև, որ Սոյլուն սպառնացել է, թե Աղրը բնակավայրում քարը քարի վրա չի թողնի՝ ինչպես դա եղել է Սուրում, Նուսայբինում և Ջիզրեում։ Հաղորդվում է, որ թուրք նախարարը ոչ միայն հաստատել է, որ նշված ձայնագրությունում իր ձայնն է հնչում, այլև ընդգծել է, որ իր հայտարարությունները դեռ մասամբ են հրապարակվել մամուլում։
Մեղադրող կողմի պնդմամբ՝ Սուլեյման Սոյլուի գործողությունները համախատասխանում են Թուրքիայի քրեական օրենսգրքի 106-րդ հոդվածին, այն է՝ կյանքի և ֆիզիկական անձեռնմխելիությանն ուղղված սպառնալիք։ Այդ հանցանքի համար նախատեսվում է 6 ամսից մինչև 2 տարի ազատազրկում։
Թուրքիայի քրեական օրենսգրքի 216-րդ հոդվածի հատկանիշներով նախարարը կարող է մեղադրվել սոցիալական, կրոնական, ռասսակայն կամ էթնիկ առանձնահատկություններով միմյանցից տարբերվող հանրային խմբերի միջև իրար նկատմամբ քեն և ատելություն հրահրելու մեջ։ Սույն հանցանքի համար նախատեսված է ազատազրկում մեկից մինչև երեք տարի ժամկետով։
Սոյլուն մեղադրվել է նաև ԺԴԿ կուսակցությունն ու նրա առաջնորդներին պարբերաբար և համակարգված ձևով թիրախավորելու, նրանց դեմ ուղղված հարձակումներ հրահրելու մեջ։ Ինչպես հայտնի է, ԺԴԿ-ի գրասենյակի, կուսակցության կազմակերպած հանրահավաքների և նմանատիպ միջոցառումների իրականացման վայրերը մի քանի անգամ հարձակումների են ենթարկվել, ինչի հետևանքով տասնյակ զոհեր և հարյուրավոր վիրավորներ են եղել:
Ըստ դատական հայցի՝ ներքին գործերի նախարարը պետք է անձամբ պատասխանատվություն կրի իր սադրիչ գործողությունների բոլոր հնարավոր հետևանքների համար։ Այս մեղադրանքների հիման վրա ԺԴԿ ներկայացուցիչը դատարանից պահանջել է հետաքննություն սկսել և արդար դատավարության արդյունքում պատժել մեղավորներին։
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |