Տարածաշրջան09:19, 29 Հունիս 2018
Economist-ի կարծիքով Թուրքիան դառնալու է ավելի ազգայնական և բռնապետական երկիր
Բրիտանական «Economist» հանդեսը «Էրդողանը Թուրքիայում սկսում է նոր քաղաքական շրջան» վերնագրով հոդված է հրապարակել:
Դրանում կանխատեսումներ են արվում, թե ինչպիսի արտաքին և ներքին քաղաքականություն կորդեգրի Թուրքիան հունիսի 24-ին տեղի ունեցած արտահերթ ընտրություններից հետո: Ինչպես գիտենք, այդ ընտրությունների արդյունքում Թուրքիայի նախագահ Ռեջեփ Թայիփ Էրդողանը վերընտրվել էր իր պաշտոնում, իսկ նրա ղեկավարած «Արդարություն և զարգացում» կուսակցությունը հաղթանակ էր տարել խորհրդարանական ընտրություններում:
«Economist»-ը կանխատեսում է, որ Էրդողանի հերթական հաղթանակից հետո Թուրքիան դառնալու է ավելի իսլամիստական, ազգայնական և բռնապետական երկիր:
Հանդեսն այն կարծիքին է, որ հունիսի 24-ին տեղի ունեցած «անարդար» ընտրություններով վերացվեցին Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքի վերջին հետքերը երկրում:
Բրիտանական հանդեսը նկատել է տալիս, որ թուրքական պետական TRT հեռուստաընկերությունը նախընտրական քարոզարշավի ընթացքում անհրաժեշտ չափով եթերի հնարավորություն չի տվել Թուրքիայի նախագահի մնացած թեկնածուներին, որոնց թվում են ընդդիմադիր քեմալական «Ժողովրդահանրապետական կուսակցության» (CHP-ԺՀԿ) նախագահի թեկնածու Մուհարրեմ Ինջեն, քրդամետ «Ժողովուրդների դեմոկրատական կուսակցության» (ԺԴԿ-HDP) նախագահի թեկնածու Սելահաթթին Դեմիրթաշը, ինչպես նաև ազգայնական «Լավ» կուսակցության (İP-ԼԿ) թեկնածու Մերալ Աքշեները:
Նշվում է նաև, որ Թուրքիայում ազգայնականության միտումների ավելացմանը նպաստելու է «Ազգայնական շարժում կուսակցությունը» (MHP-ԱՇԿ), որի հետ ԱԶԿ-ն դաշինքով մասնակցեց արտահերթ ընտրություններին:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |