Իրանի նկատմամբ ԱՄՆ-ի պատժամիջոցներից կտուժի նաև Թուրքիան

Տնտեսական06:26, 28 Հունիս 2018

Իրանի նկատմամբ ԱՄՆ-ի պատժամիջոցներից կտուժի նաև Թուրքիան

Նավթի արտահանման հարցում Իրանի Իսլամական Հանրապետության (ԻԻՀ) նկատմամբ ԱՄՆ-ի պատժամիջոցները բացասաբար կազդեն Թուրքիայի վրա։

Այդ մասին հայտնել է ԱՄՆ-ի պետքարտուղարության մի բարձրաստիճան պաշտոնյա, ում անունը չի հրապարակվում։ Նա նաև նշել է, որ բացի Թուրքիայից պատժամիջոցները բացասականորեն կանդրադառնան Չինաստանի, Հնդկաստանի, Հարավային Կորեայի, Ճապոնիայի վրա, քանի որ վերջիններս նույնպես նավթ են ներմուծում Իրանից։

Նշվում է, որ Թուրքիան տարեկան տարբեր երկրներից ներկրում է մոտ 25.7մլն տոննա նավթ, որից 11.4մլն տոննան ներկրվում է միայն Իրանից։ Թուրքիայի էկոնոմիկայի նախարար Նիհաթ Զեյբեքչին վերջերս հայտարարել էր, որ Իրանի նկատմամբ ԱՄՆ-ի պատժամիջոցները չեն անդրադառնա Թուրքիայի վրա։

Հիշեցնենք, որ ԱՄՆ պետքարտուղարությունը կոչ էր արել բոլոր երկրներին այս տարվա նոյեմբերից դադարեցնել իրանական նավթ ներկրել: ԱՄՆ-ի պաշտոնյաներն այցելում են եվրոպական և ասիական երկրներ, որպեսզի ստիպեն նրանց հրաժարվել իրանական նավթից:

Աղբյուր` Cumhuriyet

Այս ենթաբաժնի վերջին նորությունները

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: