ERMENI HABER AJANSI

Թուրքիայի նախագահի մամուլի խոսնակ Իբրահիմ Քալընը կոպիտ է արտահայտվել ամերիկացի կոնգրեսական Ադամ Շիֆի հասցեին, ով չի ցանկացել շնորհավորել Ռեջեփ Թայիփ Էրդողանին՝ նախագահ վերընտրվելու կապակցությամբ։

Ամերիկացի կոնգրեսականը Twitter-ի իր պաշտոնական էջում մասնավորապես գրել է.

«Թուրքիայում նախորդ հանգստյան օրերին տեղի ունեցած ընտրություններում Էրդողանը «հաղթեց»  միայն ընդդիմությանը ձերբակալելու, բռնություն գործադրելու  և ազատ մամուլի նկատմամբ ճնշումներ իրականացնելու շնորհիվ։ Ես չեմ շնորհավորում Էրդողանին»։

Ի պատասխան այս գրառմանը, Քալընը իր Twitter-ի էջում գրել է.

«Էրդողանը  քո շնորհավորանքի կարիքը չունի։ Թուրք ժողովուրդը կայացրել է իր որոշումը։ Բերանդ փակի՛ր»։

Հիշեցնենք, որ հունիսի 24-ին կայացած ընտրությունների նախնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում»  (ԱԶԿ-AKP) կուսակցությունը հաղթել է խորհրդարանական ընտրություններում։

Erdogan “won” reelection in Turkey this weekend only by decimating the opposition through arrests, violence and squashing freedom of the press.

Turkey's descent into autocracy is another reminder that democracy is under assault worldwide.

DO NOT CONGRATULATE.

— Adam Schiff (@RepAdamSchiff) June 26, 2018

President Erdoğan certainly does not need YOUR @RepAdamSchiff congratulations. Turkish people have spoken up. You need to shut up. https://t.co/Z0rlzfBFcN

— Ibrahim Kalin (@ikalin1) June 26, 2018