Քրդական կառույց. «Էրդողանը ընտրություններում հաղթելու համար սուտ լուրեր է տարածում»

Տարածաշրջան11:30, 22 Հունիս 2018

Քրդական կառույց. «Էրդողանը ընտրություններում հաղթելու համար սուտ լուրեր է տարածում»

«Քուրդիստանի բանվորական կուսակցության» (PKK-ՔԲԿ) թևերից մեկը համարվող «Քրդական համայնքների միությունը» (KCK-ՔՀՄ) հերքել է Թուրքիայի նախագահ Ռեջեփ Թայիփ Էրդողանի այն հայտարարությունը, թե վերջերս թուրքական օդուժը հարվածել է KCK-ի անդամներին: Ըստ Էրդողանի` վերջիններս այդ պահին ժողով էին անցկացնում: Էրդողանը հայտնել էր, որ ավիահարվածների հետևանքով վնասազերծվել է քրդական կառույցի ղեկավար անձանցից 23 հոգի:

Հրապարակված գրավոր հայտարարության մեջ ասվում է, որ Էրդողանի հայտարարությունը ամբողջովին ստահոդ է և չի համապատասխանում իրականությանը: Ըստ քրդական կողմի` այդ հայտարարությունը Էրդողանն արել է, որպեսզի ինքը և իր ղեկավարած կուսակցությունն ավելի շատ ձայն ստանան հունիսի 24-ին կայանալիք խորհրդարանական և նախագահական արտահերթ ընտրություններում:

«Էրդողանը ընտրություններում հաղթելու համար սուտ լուրեր է տարածում: Իսկ այդ սուտը գործիք է դառնում Էրդողանի կողմնակից մամուլի ձեռքում: Սա սուտ է, որը նա պատրաստել է իր պալատում ընտրություններից առաջ»,-ասվում է KCK-ի հայտարարության մեջ:

Հիշեցնենք, որ Թուրքիան PKK-ին, ինչպես նաև վերջիններիս թևերին համարումէ ահաբեկչական կազմակերպություն:

Աղբյուր` ANF Türkçe

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։