Հասարակական09:52, 22 Հունիս 2018
TRT-ն խախտել է կուսակցություններին և նախագահի թեկնածուներին եթերաժամանակ տրամադրելու կարգը
Թուրքիայի ռադիոյի և հեռուստատեսության բարձրագույն խորհուրդի (RTÜK) փորձագետները փորձել են պարզել, թե հունիսի 24-ին կայանալիք նախագահական և խորհրդարանական ընտրությունների ընտրարշավի ժամանակ մասնավոր և պետական հեռուստաընկերությունները որքանով են պահպանել կուսակցություններին և նախագահի թեկնածուներին եթերաժամանակ տրամադրելու սկզբունքները:
RTÜK-ի փորձագետների ուսումնասիրության արդյունքում կազմված զեկույցում նշվում է, որ Թուրքիայի հանրային հեռուստատեսության լրատվական ծառայությունը (TRT Haber) խախտել է անաչառության և արդարության սկզբունքները:
Փորձագետները նման եզրակացության են եկել հունիսի 8-14 ընկած ժամանակահատվածում 24-ժամյա ռեժիմով TRT Haber-ի հեռարձակումներն ուսումնասիրելու արդյունքում:
Քննության են առնվել հիմնականում TRT Haber-ի՝ ընտրարշավին վերաբերող հեռարձակումները՝ վերլուծական հաղորդումներ, լուրեր, հանրահավաքների, ժողովների և մամուլի ասուլիսների լուսաբանում:
Դրանք դասակարգվել են ըստ հեռարձակման ամսաթվի, գրանցվել են տևողության ժամանակը և բովանդակությունը:
RTÜK-ի փորձագետների կազմած զեկույցում նշվում է, որ հանրային հեռուստատեսությունը լրատվական հաղորդումների ժամանակ անդրադարձել է բոլոր կուսակցությունների հանրահավաքներին: Սակայն, վիճակն այլ է վերլուծական հաղորդումների պարագայում: Դրանց հյուրընկալվել են միայն իշխող «Արդարություն և զարգացում կուսակցության» (AKP-ԱԶԿ) ներկայացուցիչները:
Ըստ եթերաժամանակի տևողության` ԱԶԿ-ի համար կրկին արտոնյալ պայմաններ են ապահովվել: Մեկշաբաթյա ուսումնասիրությունը պարզել է, որ ամենօրյա կտրվածքով ԱԶԿ-ին տրամադրվել է միջինը 1 ժամ 30 րոպե, գլխավոր ընդդիմադիր «ժողովրդահանրապետական կուսակցությանը» (CHP-ԺՀԿ)՝ մոտ 30 րոպե: Նշվում է, որ քրդամետ «ժողովուրդների դեմոկրատական կուսակցությանը» (HDP-ԺԴԿ) հատկացվել է միայն նվազագույն եթերաժամանակը:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |