Տարածաշրջան08:22, 18 Հունիս 2018
Ադրբեջանական «Շարժում 2018»-ը նախագահական ընտրություններում աջակցություն է հայտնել Էրդողանին
Ադրբեջանում հիմնված «Շարժում 2018» վերլուծական կենտրոնը հունիսի 24-ին Թուրքիայում տեղի ունենալիք նախագահական ու խորհրդարանական ընտրություններում աջակցություն է հայտնել նախագահի թեկնածու, գործող նախագահ Ռեջեփ Թայիփ Էրդողանին:
Ադրբեջանի Ժողովրդական Հանրապետության 100-ամյակի կապակցությամբ ստեղծված «Շարժում 2018»-ին անդամակցում են այսպես կոչված թուրքական աշխարհի բազմաթիվ հայտնի ներկայացուցիչներ: Նրանցից են Թուրքիայի 63-րդ կառավարության մշակույթի և զբոսաշրջության նախարար և նախագահի գլխավոր խորհրդական Յալչըն Թոփչուն, Ղրղզստանի նախկին արտգործնախարար Ասքար Այթմատովը, Ադրբեջանի խորհրդարանի պատգամավորներ Ժալե Ալիևան, Ադիլ Ալիևն ու Սոնա Ալիևան, Մակեդոնիայի խորհրդարանի պատգամավոր Էնես Իբրահիմը և այլք: Կենտրոնի Թուրքիայի ներկայացուցիչը փաստաբան Սաիդե Էքմենն է:
Կենտրոնի ղեկավար Խեյալ Ռըզան խոսել է թուրք-ադրբեջանական բարեկամության մասին՝ հայտնելով, որ իրենց շարժման շուրջ համախմբված անձինք անվերապահորեն աջակցում են Էրդողանին առաջիկա ընտրություններում: Ռըզան հայտարարել է, որ Էրդողանին աջակցում են հանուն Թուրքիայի ժողովրդի երջանկության, բարեկեցության ու հզորության: Նա նաև խոսել է համաթուրքական նախագծերում Էրդողանի ունեցած դերակատարության մասին:
Հիշեցնենք, որ Էրդողանը նախագահական ընտրություններում առաջադրվել է իր ղեկավարած իշխող «Արդարություն և զարգացում կուսակցության» (AKP-ԱԶԿ) և «Ազգայնական շարժում կուսակցության» (MHP-ԱՇԿ) «Ջումհուր» (Cumhur-Հանրապետական) դաշինքի կողմից:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |