Քըլըչդարօղլու. «Եթե քրդական հարցը 4 տարում չլուծեմ, դուրս կգամ քաղաքականությունից»

Տարածաշրջան09:49, 12 Հունիս 2018

Քըլըչդարօղլու. «Եթե քրդական հարցը 4 տարում չլուծեմ, դուրս կգամ քաղաքականությունից»

Թուրքիայի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) նախագահ Քեմալ Քըլըչդարօղլուն թուրքական «Kanal D» հեռուստաալիքի հետ զրույցում խոսել է քրդական հարցի կարգավորման մասին։

Նա շեշտել է, որ Թուրքիայում իշխող «Արդարություն և զարգացում կուսակցությունը» (ԱԶԿ-AKP) 16 տարվա կառավարումից հետո այդպես էլ չկարողացավ լուծել այդ հարցը։

«Ես եթե 4 տարում չլուծեմ քրդական հարցը, ապա դուրս կգամ քաղաքականությունից։ Հարցը կլուծվի խելամիտ կերպով։ Խնդիրը ոչ թե Քանդիլի նկատմամբ վերահսկողություն սահմանելն է, այլ ահաբեկչության խնդրի լուծումը։ Ահաբեկչությանը վերջ դնելու համար անհրաժեշտ է նախ վերացնել նրանց ֆինանսական աղբյուրները։ Ձեր 16 տարվա իշխանության ընթացքում արդյո՞ք կարողացաք վերացնել դրանք»,-նկատել է տվել ընդդիմադիր կուսակցապետը:

Վերջինս նաև համամիտ չէ թուրք մի շարք պաշտոնյաների առաջ քաշած այն կանխատեսման հետ, որի համաձայն՝ Թուրքիայում արտակարգ դրությունը կարող է վերացվել արտահերթ նախագահական և խորհրդարանական ընտրություններից հետո։

Նա համոզված է, որ Էրդողանի հրահանգով գործող արտակարգ դրությունը դեռ կպահպանվի, անկախ ընտրությունների արդյունքից։

Աղբյուր` Gercekgundem

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։