Թուրքիան նպատակ ունի Քանդիլում անել այն, ինչ արեց Աֆրինում

Տարածաշրջան05:33, 12 Հունիս 2018

Թուրքիան նպատակ ունի Քանդիլում անել այն, ինչ արեց Աֆրինում

Թուրքիայի արտգործնախարար Մևլութ Չավուշօղլուն Անթալիայի Քաշ շրջան կատարած այցի շրջանակներում հարցազրույց է տվել լրագրողներին, որի ընթացքում խոսել է Հյուսիսային Իրաքի Քանդիլ շրջանում ցամաքային գործողություններ սկսելու մասին։

Քանդիլը «Քուրդիստանի բանվորական կուսակցության» (ՔԲԿ-PKK) գլխավոր ռազմաբազան է։

«Հիշում եք չէ՞ ինչպես մտանք Աֆրին, Ջերաբլուս, Ալ Բաբ։ Հիմա հերթը Քանդիլինն է: Ոչնչացնելու և թաղելու ենք Քանդիլի ահաբեկիչներին։ Մենք կոչնչացնենք այն ամենը, ինչը վտանգ է ներկայացնում»,-ասել է Չավուշօղլուն։

Վերջինս շեշտել է, որ Թուրքիան շարունակելու է պայքար մղել ոչ միայն PKK-ի, այլև Սիրիայի քրդական ուժերի և գյուլենական համայնքի ներկայացուցիչների դեմ, որոնց պաշտոնական Անկարան նույնպես ահաբեկչական ուժեր է համարում։

Հիշեցնենք, որ նախօրեին Թուրքիայի նախագահ Ռեջեփ Թայիփ Էրդողանը հայտարարել էր Քանդիլում ու Սինջարում ռազմական գործողություն սկսելու մասին։

Հավելենք, որ Թուրքիան Աֆրինում նույնպես ռազմական գործողություններ է իրականացնում Սիրիայի քուրդ զինյալների դեմ։ Օպերացիայի անվանումն է «Ձիթենու ճյուղ»։ Թուրքական պաշտոնական տվյալների համաձայն քուրդ զինյալների կորուստներն Աֆրինում են անցել են 4500-ը։

Աղբյուր` Sözcü

Այս ենթաբաժնի վերջին նորությունները

12:12, 07 հուլ

Էրդողան. «Հայաստանի ու Ադրբեջանի միջև կնքվելիք խաղաղության պայմանագիրը փոխելու է տարածաշրջանի մթնոլորտը»

Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։