Կայացել է Թուրքիայի արտգործնախարարի և ԱՄՆ-ի պետքարտուղարի հանդիպումը

Տարածաշրջան08:19, 05 Հունիս 2018

Կայացել է Թուրքիայի արտգործնախարարի և ԱՄՆ-ի պետքարտուղարի հանդիպումը

Վաշինգտոնում կայացել է Թուրքիայի արտգործնախարար Մևլութ Չավուշօղլուի և ԱՄՆ-ի պետքարտուղար Մայք Պոմպեոյի հանդիպումը։ Հանդիպման օրակարգային հարցը եղել է Սիրիայի քրդական ուժերի վերահսկողության տակ գտնվող Մանբիչ քաղաքի հարցը։

Թուրքիան երկար ժամանակ պահանջում է, որ քրդերը դուրս գան Մանբիչից։ Պաշտոնական Անկարան Սիրիայի քրդական ուժերին համարում է ահաբեկիչներ:

Թուրքիայի արտգործանախարարը հայտնել է, որ ամերիկացի գործընկերոջ հետ ձեռք է բերվել պայմանավորվածություն Մանբիչից քրդական ուժերի դուրսբերման ճանապարհային քարտեզի շուրջ։

«Մեր նպատակն է Մանբիչը մաքրել ահաբեկիչներից։ Մանբիչի բնակիչները տուն են վերադառնալու։ Անվտանգությունն ապահովելու են թուրք և ամերիկացի զինվորները։ Ճանապարհային քարտեզի նպատակը Մանբիչի անվտանգությունը և կայունությունը ապահովելն է։ Գործընթացը կավարտվի մի քանի ամսից։ Մեր նախագահն այդ ճանապարհային քարտեզը հաստատել է։ Մանբիչից քրդերի դուրս գալու մասին խոստումը մեզ տրվել էր դեռևս Օբամայի իշխանության օրոք, բայց այդ խոստումը չէր կատարվել», - ասել է Չավուշօղլուն:

Նա նաև հույս է հայտնել, որ առաջիկայում թուրք-ամերիկյան հարաբերությունները կկարգավորվեն։

Աղբյուր` Haberler

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։