Տարածաշրջան08:35, 04 Հունիս 2018
Էրդողանն ակնարկել է Քանդիլում քրդերի դեմ ռազմական օպերացիա սկսելու մասին
Թուրքիայի նախագահ Ռեջեփ Թայիփ Էրդողանը նախընտրական քարոզարշավի շրջանակներում մեկնել է Դիարբեքիր, որտեղ ակնարկել է Իրաքի Քանդիլ շրջանում քուրդ զինյալների դեմ նոր ռազմական գործողություններ սկսելու մասին։
Ի դեպ, Քանդիլը Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) գլխավոր ռազմաբազան է։
«Ոմանք Քանդիլից բարձրագոչ հայտարարություններ են անում, բայց դուք ուշադրություն մի դարձրեք։ Դրա հերթն էլ կգա։ Քրդական հարցը կարգավորելու ուղղությամբ արդեն հասել ենք հաջողության: 2018թ. Թուրքիայում արդեն քրդական հարց չկա։ Մեր առջև միայն մեկ խնդիր կա՝ ահաբեկչություն։ Ալլահի օգնությամբ այդ հարցն էլ ենք լուծելու»,-ասել է Էրդողանը։
Վերոնշյալ հայտարարությունից անմիջապես հետո թուրքական լրատվամիջոցները տեղեկություն տարածեցին, թե նախորդ շաբաթ Թուրքիայի զինված ուժերի ցամաքային ստորաբաժանումները ներխուժել են Հյուսիսային Իրաք, որտեղ գործողություններ են սկսել տեղի քրդերի դեմ։
Մինչ այդ Թուրքիայի զինված ուժերը Քանդիլում միայն օդուժի գործողությունների մասին էին տեղեկացնում։
Լրատվամիջոցներում շրջանառվող լուրերը մասամբ հաստատել է նաև Թուրքիայի ներքին գործերի նախարար Սուլեյման Սոյլուն՝ ասելով. «Այս պահի դրությամբ մեր ուժերն Իրաքում են՝ խորացած 26-27կմ, քիչ մնաց Քանդիլին։ Մենք ասել էինք, որ գալու ենք Քանդիլ։ Մենք հանգիստ չենք թողնելու այնտեղ գտնվող դավաճաններին»:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |