Էրդողան. Թուրքիայում այլևս քրդական հարց չկա

Տարածաշրջան09:27, 04 Հունիս 2018

Էրդողան. Թուրքիայում այլևս քրդական հարց չկա

Թուրքիայի նախագահ Ռեջեփ Թայիփ Էրդողանը Դիարբեքիրում կազմակերպված իֆթարի (իսլամական սուրբ Ռամադան ամսին մատուցվող ընթրիք) ժամանակ հայտարարել է, որ Թուրքիայում այլևս քրդական հարց չկա:

«2018-ին Թուրքիայում այլևս չկա այն խնդիրը, որը կոչվում է քրդական հարց: Այսօրվա Թուրքիան իր որևէ քաղաքացուն չի դիտում որպես խնդիր: Մեր առջև կա միայն ահաբեկչության խնդիրը, որը հիմա լուծում ենք»:

Թուրքիայի նախագահի համոզմամբ՝ Դիարբեքիրը զարգացման շեմին է կանգնած, և հունիսի 24-ին սպասվող ընտրություններն ապտակ են լինելու քանդիլցիների համար («Քուրդիստանի բանվորական կուսակցության» կենտրոնը), որոնք «գիտակցաբար մահվան են ուղարկում դիարբեքիրցի երիտասարդներին»:

Անդրադառնալով PKK-ին՝ Թուրքիայի նախագահը նշել է, որ PKK-ականները որևէ կապ չունեն իրենց արժեքների հետ:

«Իսլամի հետ որևէ կապ ունե՞ն: Սրանք աթեիստներ են: Մենք պետք է նրանց դեմ ամուր կանգնելու պատիվ ունենանք»:

Նշելով, որ իրենց իշխանության ընթացքում տարանջատումներ չեն արել ըստ տարածաշրջանների ու ազգությունների՝ Էրդողանն ընդգծել է, որ գործել են 81 միլիոնի համար:

Աղբյուր` Bianet

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։