Քեմալականների թեկնածուն ցանկանում է ավելի ամրապնդել ռուս-թուրքական հարաբերությունները

Տարածաշրջան08:29, 31 Մայիս 2018

Քեմալականների թեկնածուն ցանկանում է ավելի ամրապնդել ռուս-թուրքական հարաբերությունները

Ռուս-թուրքական հարաբերություններն ավելի կամրանդվեն, եթե հուլիսի 24-ին Թուրքիայում կայանալիք վաղաժամ նախագահական ընտրություններում հաղթի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) նախագահի թեկնածու Մուհարրեմ Ինջեն։

Վերջինս հարցազրույց է տվել «Sputnik» լրատվամիջոցի թուրքական ծառայությանը և խոսել ռուս-թուրքական հարաբերությունների ապագայի մասին։

Ըստ նրա՝ ռուս-թուրքական հարաբերությունների ամրապնդումն Արևմուտքին այլընտրանք չէ։ Թուրքիայի և Ռուսաստանի կապերը պետք է ամրապնդվեն ցանկացած պարագայում։

«Ռուսաստանի հետ երկար ժամանակ է բարեկամ պետություններ ենք։ Թուրքիան և Ռուսաստանն այնպիսի հարաբերություններ ունեն, որտեղ «այո»-ն նշանակում է այո, իսկ «ոչ»-ը՝ ոչ։ Երկու երկրներն ունեն սկզբունքներ և հավատարիմ են դրանց։ Սառը պատերազմի ժամանակ մենք փորձում էինք այնպես անել, որ ռուս-թուրքական հարաբերությունները չտուժեն մեր՝ ՆԱՏՕ-ի անդամ դառնալու պատճառով։ Ռուսաստանի հետ լավ հարաբերությունների զարգացումը Թուրքիայի ավանդական արտաքին քաղաքականության դրսևորում է։ Իսկ երբ մենք այդ քաղաքականությունից հետ ենք կանգնում, դա բացասական հետևանքներ է ունենում: Մենք փորձելու ենք ամրապնդել բարիդրացիական, բարեկամական, գործընկերային հարաբերությունները Ռուսաստանի հետ։ Ես միշտ կողմնակից եմ, որ Ռուսաստանի հետ հարաբերությունները ամրապնդվեն»,- ասել է Ինջեն։

Վերջինս նաև խոսել է «S-400» ՀՕՊ համակարգերի մասին, որոնք Թուրքիան գնելու է Ռուսաստանից։

Քեմալականների թեկնածուի կարծիքով՝ Թուրքիան ոչ մի պարագայում հետ չի կանգնի այդ մտադրությունից։

«Եթե կա ստորագրված պայմանագիր, ապա դրանից հրաժարվելու մասին խոսք լինել չի կարող։ Մեր զինուժի գլխավոր շտաբի կողմից զենքը գնելու անհրաժեշտության մասին որոշման ընդունումից և պայմանագրի ստորագրումից հետո, այլևս քննարկելու ոչինչ չկա»,-եզրափակել է Ինջեն։

Աղբյուր` Sputnik.com.tr

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։