Թուրք պատգամավոր. «Մինչև Էրդողանին նախագահ չդարձնենք, մեր կանայք հարամ են մեզ»

Տարածաշրջան09:07, 29 Մայիս 2018

Թուրք պատգամավոր. «Մինչև Էրդողանին նախագահ չդարձնենք, մեր կանայք հարամ են մեզ»

Թուրքիայի իշխող «Արդարություն և զարգացում կուսակցության» (AKP-ԱԶԿ) փոխնախագահ, Ստամբուլից ընտրված գործարար պատգամավոր Մուստաֆա Աթաշը հայտարարել է, որ առաջիկա ընտրություններում իրենք անպայման պետք է ապահովեն Թուրքիայի ներկայիս նախագահ Ռեջեփ Թայիփ Էրդողանի վերընտրությունը:

Ռամազանի տոների առիթով Թուրքիայի Բոլու նահանգի ղեկավարության կողմից կազմակերպված հյուրասիրության (իֆթար) ժամանակ Աթաշը մասնավորապես ասել է. «Մինչև Էրդողանին նախագահ չդարձնենք, մեզ համար քունը հարամ է, մեր երեխաներն ու ընտանիքը հարամ են մեզ, մեր կանայք հարամ են մեզ»:

Թուրք քաղաքական գործիչի պնդմամբ՝ հունիսի 24-ին սպասվող ընտրությունները Թուրքիայի համար ձևավորելու են եկող հարյուրամյակը:

«Վերջին շրջանում որոշ շրջանակներ չեն կարողանում մարսել մեր երկրի ռեկորդային տնտեսական աճը: Արտաքին թշնամիները մեզանից ավելի լավ գիտեն, թե հունիսի 24-ի ընտրություններից հետո նոր կառավարման համակարգով ինչպիսի երկիր ենք կառուցելու»,- նշել է Աթաշը:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։