Պոլսահայ կանայք ընտրություններում աջակցելու են քրդամետ կուսակցությանը

Գիտակրթական09:03, 21 Մայիս 2018

Պոլսահայ կանայք ընտրություններում աջակցելու են քրդամետ կուսակցությանը

Ստամբուլում բնակվող բազմաթիվ հայ կանայք աջակցություն են հայտնել քրդամետ «Ժողովրդահանրապետական կուսակցությանը» (HDP-ԺԴԿ) և այդ կուսակցությունից որպես նախագահի թեկնածու առաջադրված Սելահաթթին Դեմիրթաշին:

Նշվում է, որ հունիսի 24-ին Թուրքիայում սպասվող խորհրդարանական և նախագահական արտահերթ ընտրություններին ընդառաջ ԺԴԿ-ին ու Դեմիրթաշին արդեն աջակցություն են հայտնել ալևիները, չերքեզները, ինչպես նաև համշենահայերը:

Հայկական դպրոցներից մեկի ուսուցչուհի Սուլթան Մըհչըն թուրքական լրատվամիջոցին տված հարցազրույցում ասել է. «Ցանկանում ենք մեր դպրոցներում և մեր կրթական համակարգերով ուսուցանել երեխաներին: Հավասար քաղաքացիություն ենք ուզում: Ըստ իս՝ այդպես կարող է լինել միայն ԺԴԿ-ական մտածողության պարագայում»:

Ստամբուլաբնակ Սոնա Սադեթյանն էլ նշել է, որ ԺԴԿ-ն աշխատում է հանուն մարդու ազատությունների ու երկրի խաղաղության:

«Այդ պատճառով աջակցում եմ ԺԴԿ-ին ու նրա թեկնածուին: Մենք՝ հայերս, շատ ենք տառապել այս երկրում: Հավատում եմ, որ ԺԴԿ-ն մեջլիսում կդառնա մեր ձայնը»:

Գյուլիզար Լաչին անունով մեկ այլ պոլսահայ էլ քրդամետ կուսակցությանը հայտնած իր աջակցությունը բացատրել է ԺԴԿ-ի՝ պատերազմներին դեմ լինելու հանգամանքով:

«ԺԴԿ-ում կարողանում եմ գտնել ինձ ու այլ տարբեր մշակույթներ: Այդ պատճառով սիրտս ԺԴԿ-ի կողմից է»,- նկատել է տվել Լաչինը:

Աղբյուր` Ermenihaber.am

Այս ենթաբաժնի վերջին նորությունները

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։