Իրավական08:54, 15 Մայիս 2018
Թուրքիայում կրկին զինվորականներ են ձերբակալվել
Թուրքիայում «Ֆեթուլլահական ահաբեկչական կազմակերպության» (գյուլենական համայնք` FETÖ) դեմ իրականացվող հետաքննության շրջանակներում հերթական ձերբակալություններն են կատարվել: Ձերբակալվածները կադրային զինվորականներ են, որոնց բերման ենթարկելու որոշում է կայացրել Ստամբուլի գլխավոր հանրապետական դատախազությունը:
Մայիսի 11-ին դատախազությունը նման որոշում էր ընդունել 300 զինվորականի նկատմամբ, սակայն մինչև այս պահը բերման են ենթարկվել 200-ը: Նրանք բոլորն էլ կասկածվում են FETÖ-ի անդամների հետ կապ հաստատելու մեջ:
Թուրքիայի 52 նահանգում միաժամանակյա օպերացիայի ժամանակ բերման ենթարկված 200 զինվորականից 8-ը գնդապետ է, 6-ը՝ փոխգնդապետ, 21-ը՝ մայոր, 13-ը՝ կապիտան, 27-ը՝ ավագ լեյտենանտ, 17-ը՝ լեյտենանտ, 95 -ը՝ ենթասպա և 13-ը՝ կուրսանտ:
Կասկածյալներից 51-ը ծառայել է ռազմածովային ուժերի հրամանատարության, 38-ը` ռազմաօդային ուժերի հրամանատարության, 78-ը՝ ցամաքային ուժերի հրամանատարության, 27-ը` ժանդարմերիայի գլխավոր հրամանատարության ներքո:
Հիշեցնենք, որ Թուրքիայի իշխանությունները գյուլենական համայնքի հիմնադիր, ամերիկաբնակ թուրք միլիարդատեր Ֆեթուլլահ Գյուլենին են մեղադրում 2016 թվականի հուլիսի 15-ին երկրում ռազմական հեղաշրջման փորձը նախաձեռնելու մեջ: Ռազմական հեղաշրջման փորձից հետո երկրում հազարավոր զինվորականներ են ձերբակալվել կամ աշխատանքից ազատվել:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |