Միջազգային07:25, 12 Մայիս 2018
Իրավապաշտպան կազմակերպությունները Թերեզա Մեյին կոչ են արել ճնշում գործադրել Էրդողանի վրա
Թուրքիայի նախագահ Ռեջեփ Թայիփ Էրդողանի՝ Լոնդոն կատարելիք այցից առաջ մարդու իրավունքների և մամուլի ազատության հարցերով զբաղվող կազմակերպությունները կոչով դիմել են Մեծ Բրիտանիայի վարչապետ Թերերզա Մեյին։ Նրանք մասնավորապես ուշադրություն են հրավիրել Թուրքիայում տիրող վախի մթնոլորտին և կոչ արել ճնշում գործադրել Էրդողանի վրա:
Նշենք, որ ավելի վաղ Մեծ Բրիտանիայի վարչապետի գրասենյակից տեղեկացրել էին, որ մայիսի 15-ին Թերեզա Մեյը կընդունի Թուրքիայի նախագահ Ռեջեփ Թայիփ Էրդողանին։ Հանդիպման ընթացքում կքննարկվեն ահաբեկչության դեմ պայքարի, փախստականների հիմնախնդրի, տարածաշրջանային կայունության, առևտրի և այլ հարցեր։ Ակնկալվում է, որ Էրդողանն Անգլիա կմեկնի մայիսի 13-ին։
Amnesty International միջազգային իրավապաշտպան կազմակերպության բրիտանական բաժնի տնօրեն Քեյթ Ալենը այս առթիվ հետևյալ հայտարարությունն է արել. «Այս այցը շատ լավ հնարավորություն է՝ ցույց տալու համար նախագահ Էրդողանին, որ Թուրքիայում մարդու իրավունքների և քաղաքացիական հասարակության զարգացումը Մեծ Բրիտանիայի համար առաջնային խնդիր է։ Արտակարգ դրության ռեժիմի քողի տակ թուրքական պետական մարմինները նպատակաուղղված ձևով մասնատում են քաղաքացիական հասարակությունը, բանտարկում իրավապաշտպաններին, փակում մարդու իրավունքների պաշտպանությամբ զբաղվող կազմակերպությունները և երկրում խեղդող վախի մթնոլորտ ստեղծում»։
Իսկ գրողների միջազգային միության (PEN International) Մեծ Բրիտանիայի ներկայացուցչությունը պատրաստվում է մայիսի 15-ին Լոնդոնում ցույց կազմակերպել՝ «Ազատություն թուրքական մեդիայում» կարգախոսով։ Կազմակերպության թվիթերյան էջում տարածված հաղորդագրության համաձայն՝ երթի նպատակն է զորակցություն հայտնել ռիսկի ենթարկված այն գրողներին, որոնք ապրում են Թուրքիայում. երկիր, որը ազատազրկված լրագրողների թվով աշխարհում առաջինն է։
Մամուլի ազատության պաշտպան մեկ այլ կազմակերպություն՝ Society of Editors-ը, իր հերթին բաց նամակով դիմել է վարչապետ Թերեզա Մեյին։
Կազմակերպությունը նամակով դիմել է Մեյին և պահաջնել մտահոգություն հայտնել Էրդողանին Թուրքիայում մամուլի անազատության մասին վերջին զեկույցների կապակցությամբ։ Society of Editors-ի տնօրեն Յան Մուրայն այս առթիվ մասնավորապես նշել է.
«Թուրքիայում մամուլի ազատության խաթարումը և արտակարգ դրության ռեժիմի օգտագործումը լրագրողներին ազատազրկելու նպատակով ծայրահեղ մտահոգիչ է հատկապես այնպիսի մի ժամանակաշրջանում, երբ երկիրն ազատ մամուլի կարիք ունի»։
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |