Միջազգային08:11, 05 Մայիս 2018
Եվրախորհրդարան. Արտակարգ դրության պայմաններում Թուրքիայում ընտրությունները չեն կարող արդար լինել
Մամուլի ազատության միջազգային օրվա կապակցությամբ Եվրոպական խորհրդարանում իրականացվող հատուկ նիստի 2-րդ օրը քննարկվել է նաև Թուրքիայում տիրող իրավիճակը:
Եվրոպական հանձնաժողովի հարևանության և ընդլայնման հարցերով հանձնակատար Յոհաննես Հանն իր ելույթում արձանագրել է, որ Թուրքիան օրեցօր հետընթաց է ապրում խոսքի ազատության ոլորտում:
«Եվրամիության համար առանց խոսքի ազատության ոչինչ հնարավոր չէ: Թուրքիայում խոսքի ազատությունը շարունակում է հետընթաց գրանցել: Խոսքի ազատությունը անփոխարինելի արժեք պետք է լինի այնպիսի երկրի համար, որը պատրաստվում է անդամակցել Եվրամիությանը»,- ասել է Հանը:
Հանը մտահոգություն է հայտնել նաև Թուրքիայում 2016-ի հուլիսից հայտարարված արտակարգ դրության շարունակաբար երկարացվելու կապակցությամբ:
«Ավտորիտարների գործելու ազատություն ավելի է մեծանում արտակարգ դրության պայմաններում: Դա մեզ մտահոգում է: Մենք մտահոգ ենք հատկապես դրա ևս մեկ անգամ երկարացվելու համար: Այդ իրավիճակում հնարավոր չէ ապահովել արդար ընտրությունների անցկացումը: Մենք շարունակում ենք մեր տեխնիկական աջակցությունը իրավական պետության հետընթացի հետևանքով տուժած մարդկանց: Մենք չենք կարող լռություն պահպանել ստեղծված իրավիճակի վերաբերյալ: Մեր հնարավորությունների սահմաններում ամեն ինչ անելու ենք իրավիճակը շտկելու համար»,- ասել է եվրոպացի բարձրաստիճան պաշտոնյան:
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիայում իշխող կուսակցության հետ դաշինքի մեջ գտնվող MHP-ի առաջնորդն անդրադարձել է վերջերս Իրանի և Իսրայելի միջև ծագած լարվածությանը:
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Ի լրումն հարվածային գործառույթների՝ «KEMANKEŞ 2-» հրթիռը կարող է օգտագործվել տվյալների հավաքագրման և փոխանցման համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |