Թուրքիա է տեղափոխվել 220 տոննա ոսկի, ևս 95 տոննայի տեղափոխման աշխատանքներ են տարվում

Տնտեսական10:35, 20 Ապրիլ 2018

Թուրքիա է տեղափոխվել 220 տոննա ոսկի, ևս 95 տոննայի տեղափոխման աշխատանքներ են տարվում

2017թ․ Թուրքիայի Կենտրոնական բանկը ԱՄՆ-ից Թուրքիա է տեղափոխել իրեն պատկանող ողջ ոսկին։ Թուրքական մամուլի հավաստմամբ՝ դա տեղի է ունեցել մասնավորապես նախագահ Էրդողանի այն հայտարարությունից հետո, որ լիրայի փոխարժեքի անկումից խուսափելու համար դոլարի փոխարեն պետք է նախապատվություն տալ ոսկուն։

Իր արտասահմանյան ոսկու պաշարները երկիր է տեղափոխել նաև թուրքական «Halk» բանկը՝ դրանք ի պահ հանձնելով Ստամբուլյան բորսային (BİST)։ Այսպիսով, Կենտրոնական բանկին պատկանող ողջ ոսկու և «Halk» բանկի կողմից ներկրված ու BİST-ին հանձնաված ոսկու ընդհանուր ծավալը կազմել է շուրջ 220 տոննա։

Թուրքական «Ziraat» և «VakıfBank» բանկերը ևս պատրաստվում են արտերկրում գտնվող իրենց ոսկու պաշարները Թուրքիա տեղափոխել։ Հայտնի է, որ ներկա պահին «Ziraat» բանկը Լոնդոնում ունի 57 տոննա, իսկ «VakıfBank»-ը՝ 38 տոննա ոսկի։

Աղբյուրի հավաստմամբ՝ Թուրքիայի Կենտրոնական բանկի ընդհանուր ոսկու պաշարները կազմում են 564 տոննա, որից շուրջ 200 տոննան հենց Կենտրոնական բանկի սեփականությունն է, իսկ մնացած 364 տոննան պատկանում է մյուս թուրքական բանկերին։

2016թ․ դրությամբ Թուրքիայի Կենտրոնական բանկի ոսկու պահուստների արժեքը կազմում էր 14 մլրդ դոլար, 2017թ․ այդ ցուցանիշը հասել է 23․5 մլրդ դոլարի։ 2018թ․ մարտի 30-ին հրապարակված վերջին զեկույցի համաձայն՝ ոսկու պաշարների ընդհանուր արժեքը հասել է 25․3 մլրդ դոլարի։

Այսպիսով, ամենաշատ ոսկու պաշարներ ունեցող երկրների և կառույցների ցանկում Թուրքիան 10-րդ հորիզոնականում է՝ չհաշված «Արժույթի միջազգային հիմանդրամի» (IMF) պաշարները։ Հայտնի է, որ մեծ տերությունների մեծամասնությունը իրենց նյութական միջոցների 70-80 տոկոսը պահում են հենց ոսկու տեսքով:

Աղբյուր` Sputnik

Այս ենթաբաժնի վերջին նորությունները

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: