Ցեղասպանություն08:36, 12 Ապրիլ 2018
Շվեյցարիայում չի դադարում թուրքերի աղմուկը Հայոց ցեղասպանության հուշարձանի տեղադրման շուրջ
Ժնևում Հայոց ցեղասպանության զոհերի հիշատակին ապրիլի 13-ին բացվելիք հուշարձանի շուրջ թուրքական կողմի բարձրացրած աղմուկը չի դադարում: Ավելի վաղ նախաձեռնած դատավարություններից հետո այժմ էլ Շվեյցարիայում թուրքական ներկայացուցչությունները բողոքի ակցիա են կազմակերպել` ընդդեմ հուշարձանի տեղադրմանը Ժնևի Թրեմբլե պուրակում:
Ակցիային ներկա են գտնվել թուրքական ազգայնական «Հայրենիք» (Vatan) կուսակցության փոխնախագահ Ալի Մերջանը, նույն կուսակցության Եվրոպայի ներկայացուցիչ Բեյհան Յըլդըրըմը, «Աթաթուրքի գաղափարների միություն» Բեռնի և Ցյուրիխի տարածքային կազմակերպությունների ղեկավար Էթհեմ Քայալըն և ուրիշներ: Թուրք ազգայնականները մամուլի համար հայտարարություն են արել՝ տեղեկացնելով, որ իրենք հուշարձանի տեղադրման հարցով հանդիպել են Ժնևից ընտրված պատգամավոր, շվեյցարացի հայտնի թուրքամետ գործիչ Իվ Նիդեգերի հետ: Նշվում է, որ հանդիպմանը թուրք գործիչները Նիդեգերի հետ քննարկել են «Փերինչեքն ընդդեմ Շվեյցարիայի» գործով Մարդու իրավունքների եվրոպական դատարանի (ՄԻԵԴ) վճիռը նմանատիպ դեպքերի համար որպես նախադեպ կիրառելու հարցը:
Ալի Մերջանն ու Բեյհան Յըլդըրըմը հայտարարել են նաև, որ պատրաստվում են բոլոր այն քաղաքների դեմ դատական հայցեր ներկայացնել, որոնք Հայոց ցեղասպանության զոհերի հիշատակին հուշարձաններ տեղադրելու թույլտվություններ են տրամադրել:
Դողու Փերինչեքի ղեկավարած «Հայրենիք» կուսակցության ղեկավարները տեղեկացրել են նաև, որ կուսակցությունը նախաձեռնություն է սկսում, որի նպատակն է՝
Ա. «Աշխատանքներ տանել տարբեր երկրների խորհրդարանների կողմից ընդունված Հայոց ցեղասպանության ճանաչման որոշումները չեղյալ հայտարարելու ուղղությամբ
Բ.Աշխատանքներ տանել Հայոց ցեղասպանության հերքումը քրեականացնելու վերաբերյալ որոշ երկրներում ընդունված օրենքները չեղարկելու կամ դրանք միայն Հոլոքոստի ժխտման դեպքում կիրառելու ուղղությամբ
Գ. Աշխատանքներ տանել ուսումնական ձեռնարկներից Հայոց ցեղասպանության մասին ծրագրերը հանելու ուղղությամբ
Դ. Աշխատանքներ տանել որևէ տեղում Հայոց ցեղասպանության զոհերի հիշատակին հուշարձան տեղադրել թույլ չտալու ուղղությամբ»:
Այս ծրագիրն իրականացնելու համար ազգայնական կուսակցության ներկայացուցիչները Եվրոպայում բնակվող բոլոր թուրքերին ու թուրքական կազմակերպություններին միավորվելու կոչ են արել:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |