Թուրքիայում կարող են պատճենել ձեր հեռախոսների և համակարգիչների ինֆորմացիան

Քաղաքական09:04, 10 Ապրիլ 2018

Թուրքիայում կարող են պատճենել ձեր հեռախոսների և համակարգիչների ինֆորմացիան

Հոլանդիայի արտգործնախարարությունը Թուրքիա, Ռուսաստան, Իրան և Չինաստան մեկնող իր քաղաքացիներին ուղղված զգոնության կոչ է արել։

ԱԳՆ հայտարարության համաձայն՝ նշված երկրներ մուտք գործելիս քաղաքացիների մոտ եղած հեռախոսների և համակարգիչների ողջ ինֆորմացիան կարող է կրկնօրինակվել և փոխանցվել երրորդ անձանց: Այդ իսկ պատճառով քաղաքացիներին կոչ է արվել իրենց հեռախոսներում և համակարգիչներում կարևոր, գաղտնի տվյալներ ու տեղեկություններ չպահել, այդ երկրներ մուտք գործելիս նախապես ջնջել դրանց ողջ պարունակությունը։

«Ցավալի է, բայց նման լրտեսության վտանգն առկա է ոչ միայն Չինաստանի, Ռուսաստանի և Իրանի, այլև ՆԱՏՕ-ի մեր գործընկեր Թուրքիայի դեպքում»,- նշել է Հոլանդիայի կառավարության ներկայացուցիչներից մեկը։

Աղբյուրի համաձայն՝ Չինաստանում, Իրանում, Ռուսաստանում և Թուրքիայում «խելացի» հեռախոսներն ու համակարգիչները հեռակա վերահսկվում են, անգամ պատճենահանվում են դրանցում եղած տեղեկությունները։ Այդ պատճառով Հոլանդիան պատրաստվում է նշյալ երկրներ մեկնող պաշտոնյաներին անվտանգության բարձր մակարդակով հեռախոսներ տրամադրել։

Աղբյուր` Haberler

Այս ենթաբաժնի վերջին նորությունները

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: