Քաղաքական07:15, 04 Ապրիլ 2018
Ռուսաստանը կարագացնի S-400 ՀՕՊ համակարգերի մատակարարումը Թուրքիային
Երկօրյա աշխատանքային այցով Թուրքիայում գտնվող Ռուսաստանի նախագահ Վլադիմիր Պուտինը հանդիպել է թուրք պաշտոնակից Ռեջեփ Թայիփ Էրդողանի հետ: Հանդիպմանը հաջորդած մամուլի ասուլիսին 2 նախագահները հայտարարել են ռուսական S-400 հակաօդային պաշտպանության (ՀՕՊ) համակարգերի մատակարարման ժամկետների արագացման շուրջ ձեռք բերված համաձայնության մասին:
Ասուլիսին առաջինը ելույթ ունեցած Էրդողանը, անդրադառնալով թեմային, ասել է.
«S-400 համակարգերի ձեռք բերումը Թուրքիայի որոշումն է: Մեր հարցմանը բարեկամ Ռուսաստանի ցուցաբերած դրական մոտեցումը հանգեցրեց S-400 ՀՕՊ համակարգերի պայմանագրի կնքմանը: Այժմ գործընթացը մտել է արտադրական փուլ: Ռուսաստանը նույնիսկ որոշում է կայացրել արագացնել մատակարարման գործընթացը՝ դրանով ավելի ընդգծելով իր անկեղծ վերաբերմունքը մեր նկատմամբ»:
Թուրքիայի նախագահը տեղեկացրել է, որ ռուսական ՀՕՊ համակարգերի առաջին մատակարարումը 2020-ի փոխարեն տեղի կունենա 2019 թվականին:
Էրդողանն ավելացրել է նաև, որ պաշտպանական արդյունաբերության ոլորտում կարող է ընդլայնվել իրենց համագործակցությունը ռուսական կողմի հետ՝ հաշվի առնելով, որ ռուսական ընկերությունները բաց են համագործակցության համար:
Իր հերթին ՌԴ նախագահը, հաստատելով մատակարարման ժամկետների կրճատումը, մասնավորապես ասել է.
«S-400 համակարգերի մատակարարումն արագացնելու թեմայով մեր թուրք գործընկերների խնդրանքին դրական արձագանքեցինք: Արտադրությանը թափ կհաղորդենք, գների վերաբերյալ էլ վերջնական համաձայնության ենք եկել: Գալով համատեղ արտադրության ու տեխնոլոգիաների փոխանցման խնդրին՝ պետք է ասեմ, որ դա վստահության կամ քաղաքական կապերի խնդիր չէ: Դա ամբողջությամբ առևտրային հարց է: Այդ հարցը կարգավորվում է ընկերությունների կողմից: Այդ հարցում մենք որևէ քաղաքական կամ ռազմական դիրքորոշում չենք ներկայացրել, որևէ սահմանափակում էլ չկա»:
Այս ենթաբաժնի վերջին նորությունները
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |