Հասարակական08:42, 03 Ապրիլ 2018
Աշխարհի մտավորականների արձագանքը ուսանողների ձերբակալմանը Թուրքիայում
Աշխարհի 37 երկրի 1250 մտավորականներ արշավ են սկսել՝ ի պաշտպանություն Թուրքիայի Բողազիչի (Բոսֆոր) համալսարանի ուսանողների, ովքեր ձերբակալվել էին Աֆրինում Թուրքիայի գործողությունների դեմ բողոքելու համար։
Արշավի մասնակիցներից են աշխարհահռչակ լեզվաբան, փիլիսոփա և գրող Նոամ Չոմսկին (Խոմսկի), կին փիլիսոփա Ջուդիթ Բոաթլերը, հասարակական գործիչ Դեյվիդ Գրեբերը, կենսաբան, նոբելյան մրցանակի դափնեկիր Էրիկ Վիշաուսը և ուրիշներ։
Վերջիններս նամակ են հղել Նյու Յորքում և Վաշինգտոնում գտնվող Թուրքիայի հյուպատոսարաններին, ՄԱԿ-ին, Եվրամիության պաշտոնյաններին, ինչպես նաև Բողազիչի համալսարանի ռեկտորին, որտեղ կոչ է արվել ազատ արձակել ուսանողներին։
Նամակում մտավորականները խոսք են տվել, որ իրենց ձեռքի տակ եղած բոլոր լծակներով, այդ թվում սեփական հնարավորություններով, աջակցելու են ուսանողներին։
Ավելի վաղ բրիտանական «Amnesty International» իրավապաշտպան կազմակերպությունը հրատապ արշավ էր սկսել՝ ի պաշտպանություն Թուրքիայում ձերբակալված ուսանողների։
Հիշեցնենք, որ մարտի 19-ին Բողազիչի համալսարանում մի խումբ ուսանողներ քաղցրավենիք (լոխում) էին բաժանել՝ ի պատիվ Աֆրինում թուրքական ուժերի հաղթանակի։ Այդ երևույթից վրդովված մեկ այլ խումբ ուսանողներ բողոքել էին նման քայլի դեմ՝ հայտարարելով, որ բռնազավթման և կոտորածի պատվին լոխում բաժանել չի կարելի։
Միջադեպից օրեր անց ելույթ ունեցած Թուրքիայի նախագահ Ռեջեփ Թայիփ Էրդողանը հայտարարել էր, որ այդ ուսանողները ահաբեկիչներ են և նրանք կհեռացվեն համալսարնից։ Մարտի 22-23-ին Աֆրինի գործողությունների դեմ բողոքած ուսանողները ձերբակալվել էին։
Այս ենթաբաժնի վերջին նորությունները
Թուրքիայում 1 անձի ամսական հեռախոսազրույցների միջին տևողությունը հասնում է 455 րոպեի (7.5 ժամ)։
«Անկախ Տնտեսության և Խաղաղության ինստիտուտը» հրապարակել է 2025 թվականի գլոբալ խաղաղության ինդեքսի զեկույցը, որտեղ ընդգրկված է 163 երկիր։
Թուրքիայում օտարերկրյա այցելուների թիվը պակասել է ավելի քան 200.000, մինչդեռ Իսպանիայում ու Հունաստանում զբոսաշրջիկների թվի աճ է նկատվում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Թուրքիայի նախագահ Ռեջեփ Թայիփ Էրդողանը Չինաստանից վերադարձի ճանապարհին ինքնաթիռում պատասխանել է լրագրողների հարցերին։
Պատարագի մատուցման նախապատրաստական աշխատանքներն ընթացքի մեջ են։
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Թուրքիայի խորհրդարանի ղեկավարությանը մի շարք ընդդիմադիր պատգամավորների անձեռնմխելիությունից զրկելու մասին պահանջով դատավարական 11 ամփոփում է ներկայացվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |