Թուրքիայում ԱՄՆ-ի նախկին դեսպանը առաջարկել է փակել թուրքական հյուպատոսարաններից մեկը

Քաղաքական11:49, 27 Մարտ 2018

Թուրքիայում ԱՄՆ-ի նախկին դեսպանը առաջարկել է փակել թուրքական հյուպատոսարաններից մեկը

Ամերիկյան «Brookings» համալսարանում կազմակերպված քննարկման ժամանակ Թուրքիայում ԱՄՆ-ի նախկին դեսպան Էրիկ Էդելմանը խոսել է թուրք-ամերիկյան հարաբերությունների մասին և քննադատել Թուրքիայում տիրող իրավիճակը։

«Թուրքիայի նախագահը, օգտագործելով իր մերձավորների և բարեկամների ձեռքի տակ եղած լրատվամիջոցները, շարունակաբար թշնամություն է հրահրում ԱՄՆ-ի դեմ»,- ասել է դեսպանը։

Այն բանից հետո, երբ «Արդարություն և զարգացում» (ԱԶԿ-AKP) կուսակցությունը եկել է իշխանության, ամերիկյան ղեկավարությունը Թուրքիայի հետ դաշնակից լինելու պատճառով աչք է փակում այնտեղ առկա մարդու իրավունքների խախտումների վրա։ Աչք է փակվել նաև, այն բանի վրա, որ Թուրքիայում չի պահպանվում օրենքի գերակայությունը:

Ամերիկացի դեսպանը նշել է, որ ԱՄՆ-ում Թուրքիայի հյուպատոսարաններից մեկի փակումը կարող է ճնշման լծակ լինել Անկարայի վրա:

«Եթե մենք փակենք ԱՄՆ-ում գտնվող հյուպատոսարաններից մեկը, ապա Թուրքիայի և վերջինիս նախագահի համար ահագին խնդիրներ կստեղծվեն»,- հավելել է Էդելմանը։

Աղբյուր` Sozcu

Այս ենթաբաժնի վերջին նորությունները

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: