Տարածաշրջան10:01, 21 Մարտ 2018
Գերմանական թերթ. Էրդողանը ոտնահարեց եվրոպական արժեքները
Գերմանական «Frankfurter Rundschau» պարբերականում հոդված է հրապարակվել, որտեղ նշվում է, որ այն բանից հետո, երբ Թուրքիան ներխուժեց Աֆրին, Թուրքիայի նախագահը ոտնահարեց Եվրոպայի արժեքները։
Թերթը քննադատում է մասնավորապես Եվրամությանը (ԵՄ), որ վերջինս ոչ մի հստակ քայլ չի ձեռնարկում Թուրքիայի դեմ, այլ ընդամենը կողքից հետևում է իրադարձությունների ընթացքին։
Աղբյուրը գրում է, որ Աֆրին քաղաքը գրավելուց հետո Թուրքիայի դիրքերը թուրք-սիրիական սահմանին էլ ավելի են ամրապնդվել, ինչը թույլ տվեց կանխել Սիրիայի քրդական ուժերի վերահսկողության տակ գտնվող տարածքների միավորումը։
Նշվում է, որ այս պահին Թուրքիայի նախագահ Ռեջեփ Թայիփ Էրդողանը ցանկանում է, որ քուրդ զինյալներից մաքրված տարածքներում բնակեցվեն սիրիացի փախստականներ, որպեսզի վերջիններիս քանակը Թուրքիայում նվազի։
Խոսելով Աֆրինից քուրդ զինյալների հեռանալու մասին, շեշտվում է, որ քուրդ զինյալներն էլ հասկացան, որ հայտնվել են անելանելի իրավիճակում, քանի որ Ռուսաստանը թույլատրեց, որ Թուրքիայի օդուժը հրթիռակոծի քրդաբնակ Աֆրինը։ Այդ իրավիճակում ակնհայտ էր, որ քրդերը չեն կարող դիմադրել ՆԱՏՕ-ի անդամ հանդիսացող Թուրքիայի բանակին։
Պարբերականը շեշտում է, որ Թուրքիայի դաշնակից հանդիսացող «Սիրիայի ազատ բանակ» խմբավորման կազմի մեջ կային մի շարք ջիհադիստ ծայրահեղական զինյալներ, որոնք օգտագործվում էին Թուրքիայի կողմից քրդերի դեմ մարտերում։
«Թեև քրդերը հայտարարեցին, թե իրենք հանուն խաղաղ բնակչության անվտանգության են լքում Աֆրինը, այնուամենայնիվ պարզ էր, որ նրանց դիրքերը թուլացել էին»,-գրում է պարբերականը։
Վերջինս գնահատմամբ՝ այն, որ Եվրոպան լուռ հետևում է Թուրքիայի գործողություններին Աֆրինում, դրանով եվրոպական կողմը հակասում է հենց իրեն, քանի որ եվրոպական երկրների ղեկավարությունը միշտ հայտարարում է, թե իրենք չպետք է թույլ տան էթնիկ զտումների իրագործումը, ինչպես դա եղավ նախկին Հարասլավիայում։
Վերոնշյալ հանգամանքները հաշվի առնելով՝ «Frankfurter Rundschau»-ն զգուշացնում է, որ ոչ մի կերպ չի կարելի Թուրքիայի քաղաքացիների համար իրականացնել վիզաների դյուրացում։
Այս ենթաբաժնի վերջին նորությունները
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |