Իրավական12:59, 16 Մարտ 2018
Դեմիրթաշը խոսել է դատարանում․ «Այս դատավարությունը հակասահմանադրական է»
Թուրքիայում կայացել է քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) նախկին համանախագահ Սելահաթթին Դեմիրթաշի և «ԺԴԿ» պատգամավոր Սըրրը Սուրեյյա Օնդերի դեմ հարուցված դատական գործով երրորդ նիստը։
Դեմիրթաշը հայտարարել է, որ իր և գործընկերոջ պատգամավորական անձեռնմխելիության չեղարկումն ու իրենց դեմ դատական գործի հարուցումը հակաօրինական է։ Վերջիններիս դեմ դատական գործ է հարուցվել 2013թ․ Նովրուզի տոնակատարությունների ժամանակ ունեցած ելույթների պատճառով։
Նիստի ժամանակ ԴԵմիրթաշը մասնավորապես հայտարարել է․ «Համաձայն սահմանադրության 83/2 հոդվածի՝ առանց խորհրդարանի որոշման չի կարելի չեղարկել անձեռնմխելիությունը և կալանավորել պատգամավորներին։ Դուք պետք է հիմք ընդունեք սահմանադրությունը։ Այստեղ խոսքը գնում է սահմանադրությանը, օրենքին և խորհրդարանի ներքին կանոնադրությանը հակասող գործընթացի մասին։ Օրենքը մեկ անձի համար չի հնարվում։ Խորհրդարանը պետք է որոշում կայացնի, այդ որոշումը հրապարակվի Պաշտոնական թերթում, այլ ոչ թե ներկայացվի հանրապատության նախագահի հաստատմանը»։
Դեմիրթաշը հիշեցրել է, որ իրենց պատգամավորական անձեռնմխելիության չեղարկումը ոչ թե թուրքական մեջլիսի որոշմամբ է եղել, այլ հանրապետության նախագահի։
«Դրանով գլխատվեց հենց ինքը՝ անձեռնմխելիություն երևույթը։ Բացահայտորեն հակաօրինական եղանակով պատգամավորները զրկվել են մանդատից և կալանավորվել։ Դատարանը պետք է դադարեցնի այդ գործընթացը։ ՄԵր դեմ բացահայտ խտրականություն է կիրառվել, նոր օրենք է հնարվել՝ խախտելով սահմանադրությունը», -հավելել է ԺԴԿ նախկին համանախագահը։
Նա հիշեցրել է, որ իրենց նկատմամբ այս հակաօրինական քայլին հավանություն է տվել նաև գլխավոր ընդդիմադիր կուսակցության առաջնորդ Քեմալ Քըլըչդարօղլուն։ «Ժողովրդահանրապետական կուսակցության (ԺՀԿ-CHP) առաջնորդը, քվեարկելով պատգամավորների անձեռնմխելիության չեղարկումը հնարավոր դարձնող սահմանադրական փոփոխությունների օգտին՝ հայտարարել էր․ «Դա հակասահմանադրական է, բայց «այո» պիտի ասենք»։
Դեմիրթաշը պահանջել է, որ պատգամավորական մանդատից, անձեռնմխելիությունից զրկված պատգամավորների վերաբերյալ փաստաթղթերը ուղարկվեն մեջլիս, քանի որ այդ հարցում մեջլիսի որոշումը անհրաժեշետություն է։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |