Գերմանիայի կողմից Թուրքիային վաճառվող զենքի ծավալներն ավելացել են

Միջազգային08:23, 16 Մարտ 2018

Գերմանիայի կողմից Թուրքիային վաճառվող զենքի ծավալներն ավելացել են

Գերմանիայի կառավարությունը շարունակում է Թուրքիային զենք վաճառել: Երկրի էկոնոմիկայի նախարարությունը ի պատասխան «Կանաչների կուսակցության» պատգամավոր Օմիդ Նուրիպուրի հարցադրմանը, տվյալներ է տրամադրել Գերմանիայի կողմից Թուրքիային վաճառված զենք-զինամթերքի ծավալների մասին:

Նախարարության տվյալներով՝ Սիրիայում «Ձիթենու ճյուղ» ռազմական օպերացիայի մեկնարկից ի վեր Գերմանիան Թուրքիային վաճառել է 4 միլիոն 400 հազար եվրոյի ռազմական արտադրանք: Եվ սա այն դեպքում, երբ նախորդ տարվա նույն ժամանակահատվածում Թուրքիային վաճառված զենքի ընհանուր արժեքը կազմել է 3 միլիոն 600 հազար եվրո:

Այսպիսով, 2018 թվականին Գերմանիայի կողմից Թուրքիային վաճառված ռազմական արտադրանքի ծավալները մեծացել են:

Ըստ էկոնոմիկայի նախարարության տրամադրած տվյալների՝ 2018-ի միայն հունվար-փետրվար ամիսներին կառավարությունը ստորագրել է 34 թույլտվություն Թուրքիային 9 միլիոն 700 հազար եվրոյի զենք-զինամթերք վաճառալու վերաբերյալ:

Աղբյուր` Aydinlik.com.tr

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: