Ստամբուլի փողոցներից մեկը կվերանվանվի Հրանտ Դինքի անունով

Տարածաշրջան13:59, 15 Մարտ 2018

Ստամբուլի փողոցներից մեկը կվերանվանվի Հրանտ Դինքի անունով

Ստամբուլի Շիշլի շրջանի համայնքային խորհուրդը որոշում է ընդունել շրջանի փողոցներից մեկը վերանվանել Թուրքիայում հրատարակվող «Ակոս» հայկական թերթի հիմնադիր և խմբագրապետ, 2007-ի հունվարի 19-ին Ստամբուլում սպանված հայ լրագրող Հրանտ Դինքի անունով:

Որոշում է ընդունվել նաև մեկ փողոց էլ վերանվանել սպանված թուրք լրագրող Ուղուր Մումջուի անունով:

Շիշլիի համայնքապետարանի տարածած հայտարարության մեջ նշվում է, որ շրջանի «Ըշըք» փողոցը կվերանվանվի Ուղուր Մումջուի, իսկ «Սամանյոլու» փողոցը՝ Հրանտ Դինքի անունով:

Շրջանի ղեկավարության ընդունած որոշումն ուղարկվել է Ստամբուլի քաղաքային խորհրդի հաստատմանը: Հաստատումից հետո փողոցների անվանումները պաշտոնապես կփոխվեն:

Շիշլի համայնքի ղեկավար Հայրի Ինոնյուն նշել է, որ իրենք ցանկանում են ապրեցնել 2 մտավորականների անունները, որոնք զոհվեցին հանուն մամուլի ու ժողովրդավարության:

Աղբյուր` HaberTurk

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։