Տարածաշրջան11:25, 13 Մարտ 2018
Ըստ Թուրքիայի փոխվարչապետի՝ Աֆրինում քրդական ուժերն ունեն 3381 զոհ
Թուրքիայի փոխվարչապետ և կառավարության խոսնակ Բեքիր Բոզդաղը պաշտոնական տվյալներ է ներկայացրել Աֆրինում 1 ամսից ավել շարունակվող «Ձիթենու ճյուղ» ռազմական օպերացիայի մասին։
Բոզդաղի խոսքով՝ մինչ այժմ Աֆրինում սպանվել է 42 թուրք զինվոր, 202-ը՝ վիրավորվել։ Դրանից զատ Սիրիայի քրդական ուժերի կողմից թուրքական սահմանամերձ քաղաքների հրետակոծման հետևանքով 7 խաղաղ բնակիչ զոհվել, 125 հոգի էլ վիրավորվել են:
Ըստ Թուրքիայի փոխվարչապետի՝ Աֆրինում քրդական ուժերն ունեն 3381 զոհ։ Ներկա դրությամբ Թուրքիայի զինուժը Աֆրինում վերահսկողություն է սահմանել 202 շրջանի նկատմամբ, որոնցից 37-ը ունեն ռազմավարական նշանակություն։
Թուրք պաշտոնյան տեղեկացրել է նաև, որ մարտի 19-ին Թուրքիայի արտգործնախարար Մևլութ Չավուշօղլուն մեկնելու է ԱՄՆ, որտեղ ամերիկացի պաշտոնյաների հետ քննարկելու է քրդերի վերահսկողության տակ գտնվող Մանբիչ քաղաքի հարցը:
Նա հաստատել է Թուրքիայի արտգործնախարարի այն խոսքերը, թե ԱՄՆ-ն ու Թուրքիան ձեռք են բերել պայմանավորվածություն, որ քրդերը պետք է դուրս գան Մանբիչից։
Նրա խոսքերով, որ Թուրքիան շատ հստակ կերպով ներկայացրել է իր սպասելիքները քրդերի հարցում։
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Այս ենթաբաժնի վերջին նորությունները
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Այն ներառում է համագործակցություն աշխատանքի, զբաղվածության, սոցիալական ապահովության և աշխատանքի անվտանգության ոլորտներում։
Ռուս զբոսաշրջիկներին սպառնում է մինչև 1 տարվա ազատազրկում:
Թուրքիայի կողմից 2019-ին ՌԴ-ից գնված, բայց գործնականում այդպես էլ չօգտագործված հակաօդային պաշտպանության համակարգերի շուրջ նոր զարգացումներ կան։
Աֆղանստանում օրերս 6 մագնիտուդ ուժգնությամբ երկրաշարժ էր գրանցվել։ Մահացածների թիվը գերազանցում է 1000-ը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |