Տնտեսական12:36, 12 Մարտ 2018
Թուրքիայից զենքի արտահանումը 5 տարում աճել է 145 տոկոսով
2013-2017թթ․ Թուրքիայից զենքի արտահանման ծավալները նախորդ հինգ տարիների համեմատ աճել են 145 տոկոսով։ Այս մասին է վկայում Ստոկհոլմի խաղաղության միջազգային հետազոտությունների ինստիտուտի (SIPRI) հրապարակած զեկույցը։
Զեկույցի համաձայն՝ ընդհանուր առմամբ աշխարհում զենքի արտահանումը կենտրոնացած է մի քանի արևմտյան երկրների ձեռքում։ Իսկ արևելքում զենքի արտահանմամբ աչքի ընկնող երկրների ցանկում, բացի Թուրքիայից, տեղ են գտել նաև Իսրայելը և Հարավային Կորեան։
Մերձավոր Արևելքի տարածաշրջանում, որտեղ հատկապես վերջին տարիներին ռազմական գործողությունները հաճախակի են դարձել, զենքի վաճառքի ծավալները կրկնակի աճել են։ Զենքի հիմնական մատակարարներն այստեղ ԱՄՆ-ն և եվրոպական երկրներն են, իսկ տարածաշրջանում զենքի ամենախոշոր ներկրողը Սաուդյան Արաբիան է։
2013-2017թթ․ ընթացքում Սաուդյան Արաբիան 225 տոկոսով ավելի շատ զենք ու զինամթերք է ներկրել, քան նախորդ հնգամյակի ընթացքում։ Այս երկիրը զենքի երկրորդ ամենախոշոր ներկրողն է՝ աշխարհում՝ զիջելով միայն Հնդկաստանին։
Զեկույցից հայտնի է դարձել, որ աշխարհում վաճառվող զենքի մեկ երրորդը մատակարարում է ԱՄՆ-ն։ ԱՄՆ-ից արտահանվող զենքի ծավալները վերջին հնգամյակում աճել են 25 տոկոսով, իսկ այդ սպառազինության ուղիղ կեսն ուղղվել է դեպի Մերձավոր Արևելք։
Աշխարհի առաջատար զենք արտահանողների ցանկում ԱՄՆ-ին հաջորդում են Ռուսաստանը, Ֆրանսիան, Գերմանիան և Չինաստանը։ Այս երկրները մատակարարում են աշխարհում վաճառվող զենքի 74 տոկոսը։ SIPRI-ի զեկույցի համաձայն՝ աշխարհում վերջին հինգ տարում զենքի վաճառքի ծավալներն աճել են 10 տոկոսով։
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |