Տնտեսական10:08, 05 Մարտ 2018
Թուրքիան ակնկալում է, որ Ռուսաստանը կվերացնի թուրքական լոլիկի ներմուծման արգելքը
Այն բանից հետո, երբ Ռուսաստանի Անասնաբուժական ու բուսասանիտարական դաշնային ծառայությունը (Россельхознадзор) թույլատրեց թուրքական մի շարք գյուղմթերքների ներմուծումը Ռուսաստան, թուրքական կողմն այժմ ակնկալում է, որ նմանատիպ քայլ կլինի նաև լոլիկի հարցում։
Միջանկյալ նշենք, որ Россельхознадзор-ի մամուլի խոսնակ Յուլիյա Մալենոն հայտարարել է, որ մարտի 5-ից թույլատրվելու է Թուրքիայից Ռուսաստան ներմուծել պղպեղ, սմբուկ, հազար, նուռ, դդմիկ, դդում, որոնց նկատմամբ արգելք էր գործում։
Նշվում է, որ մինչ վերոնշյալ գյուղմթերքների նկատմամբ ներմուծման արգելք սահմանելը, Թուրքիան դրանց արտահանման արդյունքում 100մլն դոլարի շահույթ էր ստանում։
Թեմայի շուրջ խոսել է Թուրքիայի «Սևծովյան արտահանողների միության» հիմնադիր նախագահ Մուստաֆա Սաթըջըն։
«Թուրք արտահանողները գոհունակությամբ ընդունեցին Ռուսաստանի կողմից արված վերջին քայլը։ Այս որոշմամբ մենք կկարողանանք 100մլն դոլարի արտահանում իրականացնել։ Ինչպես գիտեք, ոչ բոլոր մեր ընկերություններն են կարողանում լոլիկ արտահանել Ռուսաստան։ Պետք է վերջ դրվի լոլիկի ներմուծման հարցում արգելքին»,-ասել է Սաթըջըն։
Հիշեցնենք, որ այն բանից հետո, երբ Թուրքիայի օդուժը Սիրիայի տարածքում խոցեց ռուսական «Su-24» ռազմական ինքնաթիռը, պաշտոնական Մոսկվան Թուրքիայի նկատմամբ սկսեց տնտեսական պատժամիջոցներ կիրառել։ Արգելվեցին մի շարք թուրքական ապրանքատեսակների ներմուծումը Թուրքիայից։
Արգելքները աստիճանաբար վերացվեցին այն բանից հետո, երբ Թուրքիայի նախագահ Ռեջեփ Թայիփ Էրդողանը պաշտոնապես ներողություն խնդրեց տեղի ունեցածի առնչությամբ։
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |