Սիրիայի քրդական կուսակցության նախկին համախագահ. «Ահաբեկիչ չեմ»

Քաղաքական07:45, 01 Մարտ 2018

Սիրիայի քրդական կուսակցության նախկին համախագահ. «Ահաբեկիչ չեմ»

Չեխիայի դատարանի կողմից ազատ արձակված Սիրիայի քրդական «Ժողովրդավարական միություն կուսակցության» (ԺՄԿ-PYD) նախկին համանախագահ Սալիհ Մուսլիմն առաջին անգամ հարցազրույց է տվել։

Միջանկյալ նշենք, որ Թուրքիան պահանջում էր արտահանձնել Մուսլիմին, քանի որ թուրքական կողմը նրան մեղադրում է ահաբեկչություն իրականացնելու և ահաբեկչական կազմակերպությանը անդամակցելու մեջ։

«Ինչո՞ւ ես պետք է գնամ Թուրքիա։ Ես Թուրքիայի քաղաքացի չեմ։ Նրանք իրավունք չունեն ինձ մեղադրել նման հանցանքների մեջ։ Ես Թուրքիայում եղել եմ միայն պաշտոնական այցով, այն էլ իրենց արտգործնախարարության հրավերով։ Միայն այդ ժամանակ եմ եղել Թուրքիայում և նրանք դրա մասին լավ գիտեն։ Ես երբեք ահաբեկիչ չեմ եղել և չեմ էլ լինի։ Ես քաղաքական գործիչ եմ»,- ասել է Մուսլիմը։

Սալիհ Մուսլիմի իրապաշտպան Միրոսլավ Կրուտինան հայտարարել է, որ ազատ արձակումից հետո Սալիհ Մուսլիմը լքել է Չեխիայի սահմանները։ Նրա խոսքերով ՝ Եվրոպայում Մուսլիմը պետք է հանդիպի եվրոպացի մի շարք քաղաքական գործիչների հետ, որպեսզի քննարկի առանցքային կարևոր հարցեր։ Նա շեշտել է, որ քուրդ քաղաքական գործիչը առայժմ իրավունք չունի լքել ԵՎրամիության սահմանները։

Մուսլիմի ազատ արձակումից հետո, պաշտոնական Անկարան մեղադրեց Չեխիայի իշխանություններին՝ ահաբեկչական կազմակերպությանը սատարելու մեջ։ Ի Պատասխան դրան՝ Չեխիան հայտարարեց, որ իրենք գործել են օրենքի սահմաններում և որևէ խախտում չի եղել։

Հիշեցնենք, որ Թուրքիան փետրվարի 13-ին Սալիհ Մուսլիմին ընդգրկել էր հետախուզման մեջ գտնվող հանցագործների «կարմիր ցուցակում»: Թուրքիայի ղեկավարությունը 4մլն թուրքական լիրա (մոտ 1մլն դոլար) էր խոստացել այն կողմին, ով կձերբակալեր քուրդ քաղաքական գործչին և կարտահանձներ իրեն։

Աղբյուր` Euronews.tr

Այս ենթաբաժնի վերջին նորությունները

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: